hósdagur 23. apríl 2020síða 9

FRÍGGJADAGUR 24. APRÍL 2020 SOSIALURIN 38 9 aftur at økja um lýs­ing­ar­átøkini við nógva ferðir størri pen­inga­ upp­hæddum enn Visit Faroe Is­ lands hevur atgongd til. Hendan fram­ferðarháttin valdi Visit Faroe Islands tó ikki at brúka. – Tað valdu vit ikki at gera, tí tað gevur einki PR. Vit hava valt ein annan taktikk enn hini. Vit eru eitt pinkalítið ferðaráð, og tí mugu vit hugsa eyka kreativt fyri at náa út, sigur Guðrið Højgaard. Gurðrið Højgaard greiðir víð­ ari frá, at tað er ómetaliga um­ ráð­andi fyri Føroyar og føroysku ferða­vinnuna at fáa góða umtalu úti í heimi á hendan hátt, tí á Visit Faroe Islands vita tey, at onn­ur ferðaráð kring heimin fáa nógv størri fígging enn tey um­framt fíggjarlig ískoyti, nú korona­ kreppan hevur hálað teppið und­ an ferðavinnuni. – Um stutta tíð koma hini ferða­ ráðini á banan aftur við nógvum pengum. Tá fara vit at síggja tey alla staðni, men tá drukna vit her heima, sigur hon og leggur síðani aftrat, at tað tí er serstakliga umráðandi við slíkari umrøðu. – Vit hava vunnið fleiri heið­urs­ lønir, hóast vit hava smá projektir og eru eitt av minstu ferðaráðnum í heiminum. Tað er tí, at vit hava lítil stuttlig og fangandi hugskot, og vit gera nakað, sum er øðrvísi við lítið av pengum og fáum starvs­fólkum, sigur stjórin á Visit Faroe Islands. Hon heldur, at fólk eftir fimm vikur við koronatíðindum og undantakstøðu nú skríggja eftir øðrvísi og positivum søgum. – Hetta hevur verið væl mót­ tikið, tí fólk sita og droyma um at fara at ferðast og hugsa um næsta túrin, sum tey ætla sær á, tá tey kunnu. Hetta fær tey at ynskja at koma til Føroyar. Og tað er eitt av endamálunum við hes­um átakinum. Tí umframt at undirhalda hyggjarnar her og nú, so ynskja vit eisini at fáa tey at hugsa um Føroyar, og hvar tey ætla sær at fara. Eisini vilja vit røkka teimum, sum áttu at havt verið her og vitjað júst nú, men ikki kunnu vegna korona­krepp­ una, sigur hon. Hugskotið er orginalt, og tað eiga tey í Visit Faroe Islands. Hóast fleiri ferðaráð nýta virtural tours, sum eru filmaðar ferðir, so veit Guðrið Højgaard ikki um nakran annan, sum hevur gjørt tað á slíkan interaktivan hátt sum remote tourism ger. – Tað er eisini orsøkin til, at vit hava fingið so nógv uppmerksemi frá stórum altjóða miðlum, so sum NY Times og Washington Post, sigur hon. Stórt uppmerksemi Guðrið Højgaard greiðir frá, at tey síggja, at miðladekningurin í ymisku londunum gevur úrslit. Á fyrsta túrinum fylgdu fleiri enn 25.000 fólk við. Flest teirra vóru úr Onglandi. Orsøkin var, at miðlar, so sum The Guardian og The Tele­graph skrivaðu um átakið. Und­anfarna vikuskifti høvdu am­erikansku miðlarnir The New York Times og Washington Post grein­ar um átakið, og tá vóru fleiri amerikanarar við á túrunum. Mána­dagin var lýsingarátakaið umrøtt í italienskum miðlum, og tá vóru fleiri hyggjarar úr Italia við. – Verizon media metir, at 10,5 milliónir fólk hava lisið greinar um átakið, og 7,5 milliónir hava sæð tað verið lutað á sosialu miðlunum. Hetta hevur einki kostað, sigur Rune Hørslev, kontaktdirektør og partaeigari í lýsingarfyritøkuni Mensch, sum saman við Sansir eru lýsingarfyritøkurnar handan átakið, í samrøðu við Dansk Markeds­føring. Í somu grein sigur hann eisini, at átakið 21. april hevði fingið umtalu í 412 tíðindagreinum, og miðlarnir, ið hava veitt umtaluna hava ein lesaraskara á 2,84 milli­ ardir fólk kring allan heimin. Eisini hevur Visit Faroe Is­ lands, eftir at remote tourism varð latið úr hondum, fingið fleiri fyrispurningar um at halda fyri­ lestr­ar fyri øðrum ferðaráðum, sum søkja íblástur. Heldur væntandi á Upprunaliga var ætlanin, at lýs­ ing­arátakið skuldi halda á í 10 dagar við ymiskum útferðum á sjógvi, landi og í tyrlu. Men áhugin er so mikið stórur, at avgjørt varð at leingja tað. – Átakið heldur áfram hvønn dag hesa vikuna, og so er ætlanin at vit hava remote tourism útferðir eina til tvær ferðir um vikuna, inntil koronakreppan er av, sigur hon. Tveyskots-rakett Seinastu árini hevur Visit Faroe Islands megnað at latið úr hond­um nøkur heimsins mest væleydnaðu lýsingarátøkum: Closed for Maintenance, Faroe Is­ lands Translate og Google Sheep View. Øll átøk, sum hava tikið heiðursmerki við til Føroya. Tá Guðrið Højgaard verður spurd, hvat tað næsta verður, sig­ur hon, at tey hava lagt ætlan um eina tveyskots-rakett hesa korona­ tíðina. Remote tourism var fyrsta skotið, og síðani vóna tey, at tey hava nokk av peningi til at gera eitt størri átak, tá koronakreppan hev­ur lagt seg. Tað krevur tó eina størri fígging, sigur Guðrið Høj­ gaard. Verizon media metir, at 10,5 milliónir fólk hava lisið greinar um átakið, og 7,5 milliónir hava sæð tað verið lutað á sosialu miðlunum Tað truplasta er, haldi eg, at vit vita ikki, nær hetta fær ein enda, nær mørkini lata upp og nær marknaðurin er klárur aftur Lýsingarátakið »Remote Tourism« hevur longu rokkið milliardum Mynd: Kirstin Vang / Visit Faroe Islands Áhugin í ferðunum er so stórur, at avgjørt er at halda áfram til koronakreppan er av Mynd: Kirstin Vang / Visit Faroe Islands