hósdagur 23. apríl 2020síða 18

FRÍGGJADAGUR 24. APRÍL 2020 SOSIALURIN 38 18 VILMUND JACOBSEN Í juli mánaði í ár hevur 58 ára gamli, Páll Danielsen, bila­sølumaður, sum er ættaður og býr á Velbastað, starvast hjá Auto Service í samfull 40 ár. Hann byrjaði sum blaðungur hjá bilasøluni, sum tá var á Hálsi - í bygninginum, har PE-handilin er í dag, og síðan ár 2000 hevur arbeiðs­plássið hjá honum verið Undir Krákugjógv 19, sum er við fótin á Oyggjarvegnum. Nú gongur móti endanum á lívsleiðini hjá honum sum bila­sølu­maður, tí í summar fer Páll Danielsen í holt við annað virksemi, har hann verður sjálv­ støðugur vinnurekandi, sum vit sein­ni í hesi grein fara at venda aftur til. - Tað var meira av tilvild, at eg kom í starv hjá Auto Service fyri sløkum 40 árum síðan. Eg hevði vinmenn, sum arbeiddu har, og millum hesar vóru Øss­ ur Johannesen, sum eg hevði gingið í flokki saman við og Dia Hansen. Tá var Øssur Johanne­ sen goymslumaður og gjørdist eitt skifti eisini stjóri í fyri­ tøkuni - og so Dia Hansen sum var bilmekanikari og eisini sølu­maður. Teir báðir arbeiddu saman í fyritøkuni, áðrenn eg kom í starv hjá Auto Service. Fyrstu tíðina tók Páll Danielsen sær av ymiskum fyri­ fallandi, har hann eitt nú gjørdi bilar, sum skuldu út av húsinum, klárar og annars gekk hann arbeiðs­plássinum til handa sum ørinda­drongur. Men, tað tók ikki langa tíð, kanska eitt ár ella so, til hann gjørdist bilasølumaður burturav. - Finnbogi Arge var stjóri, tá eg byrjaði, og hann er maðurin, sum flestu árini hevur verið stjóri hjá mær. Men, hann var eisini nøkur ár í landsstýrinum, og tey árini var hann ikki stjóri í fyritøkuni. Leiðin til sølumann Tá Páll Danielsen hevði verið í starvi hjá Auto Service í nakrar mánaðir, spurdi Finnbogi Arge ein dagin, um hann vildi fara og royna ein bil fyri seg. Alt tekur sína tíð, og henda dagin var tað onkur, sum var komin við einum brúktum bili og skuldi keypa ein nýggjan. Stjórin vildi hava at vita, hvør standurin á brúkta bilinum var. - Tá eg kom aftur, spurdi Finn­bogi Arge, hvat eg helt, at vit kundu selja brúkta bilin fyri. Tað var dagliga, at fólk komu við bilum og vildu hava ein annan bil ístaðin, og hetta var líka sum byrjanin til øll mín ár sum bila­ sølu­maður. Páll Danielsen vísir á, at um­ leið eitt ár, eftir at hann var byrj­ aður, gjørdist tað hansara lutur burtur av at keypa og selja bilar. - Jú, tað gekk ógvuliga skjótt, tó at tað slett ikki var hetta, eg var komin til. Eg minnist, at tað var eitt sindur trupult at fara frá tí, eg hevði gjørt, sum var klárgering av bilum og at vera ørindadrongur, men at enda fekk eg skorið út í papp, at mín upp­gáva var at keypa og selja. Tá vóru bilamerkini hjá Auto Service Nissan og Peugeot. Spennandi arbeiði - Tað var ógvuliga spennandi fyri meg at gerast bilasølumaður, og eg merkti skjótt, at tað fall mær lætt og náttúrligt at tosa við viðskiftafólk. Eg helt meg eisini merkja, at fólk høvdu álit á mær, soleiðis at keyp og søla í stóran mun gjørdist ein álitis­ spurningur báðar vegir. Eg eri ikki bilmekanikari, og tá eg havi havt brúk fyri, at ein bilur skal eftirhyggjast mekaniskt fyri keyp, hava mekanikararnir sjálv­sagt verið mær til hjálpar, sigur Páll Danielsen. Bókligu førleikarnir hjá hon­ um eru, at hann hevur eina FHS-útbúgving, og gjøgnum árini hevur hann eisini verið á nógvum skeiðum – eisini í sam­ band við, at nýggir bilar eru kom­nir. - Tað er einki yvir at dylja, at mítt serøki øll árini hevur verið Nissan-bilar. Páll Danielsen vísir á, at tá hann sum sølumaður skuldi meta um ein brúktan bil, so varð í fyrsta lagi hugt eftir mark­ naðarprísinum fyri ávísa bilin og sjálvsagt, hvørjum standi bilurin var í. Meðan Finnbogi Arge var í landsstýrinum, røkti ein vin­ maður hansara, Tummas Niel­ sen, stjórastarvið, og síðan hevur Meinhard Arge eisini verið stjóri í fyritøkuni. Tá Reyni Service keypti Auto Service í 2005, var Árni Ras­mus­sen stjóri fyrstu árini, og síðan Poul Jákup Poulsen, sum framvegis er stjóri í Auto Service. Fleiri verið leingi At Páll Danielsen skjótt hevur verið í fyritøkuni í 40 ár, merkir kort­ini ikki, at onkur annar ikki hevur verið longri. Tað eru nevniliga fleiri, sum hava starvast hjá bilasøluni í mong ár. - Ingibjartur Djurhuus hevur verið í starvi nógv longri enn eg, og hann var eisini verkførari í fleiri ár. Nú arbeiðir hann parttíð og fæst við at gera ørindir, eins og hann koyrir viðskiftafólk upp á pláss, sum hava verið her við bili­num. Erling Olson byrjaði eisini væl fyri mína tíð, og hann hevur verið bilmekanikari her øll árini, eg havi verið her. Ein annar, sum eisini var í fyritøkuni, tá eg byrjaði, var Erhard Olsen, sum var bilmekanikari her í mong ár. Hann gavst her hjá okkum fyri stuttari tíð síðan vegna sjúku. Ein spennandi tíð Bilamerkini, sum Auto Service selur í dag, eru Nissan, Peugeot, Citroen og Opel. BILBLAÐ - Tað er við sorgblídni, at eg gevist hjá Auto Service hin 1. juli, har eg havi havt so nógv góð ár saman við góðum og dugnaligum starvsfeløgum. Men, eg eri samstundis ógvuliga spentur upp á nýggju avbjóðingina og lívsleiðina, sigur Páll Danielsen - NISSAN GAV MÆR - NISSAN GAV MÆR BREYÐ OG SMØR Á BREYÐ OG SMØR Á BORÐIÐ Í 40 ÁR BORÐIÐ Í 40 ÁR