mikudagur 6. mai 2020síða 25

HÓSDAGUR 7. MAI 2020 SOSIALURIN 39 25 Hann heldur, at tað er alt hetta, sum ger tað so spennandi við Strandamáling. - Um stutta tíð letur eisini Eyst­ uroyartunnilin upp, og hetta fer avgjørt at lata upp fyri nýggjum møguleikum og avbjóðingum. Tí kundi eg hugsað mær onkran at samstarvað við í tíðini, sum liggur fyri framman, men mítt ynski er, at ein nýggjur samstarvspartur er í Føroyum og ikki útlandinum. Stjórin vísir á, at hann brennur fyri málingavirkinum, og hansara ynski er, at Strandamáling fram­ hald­andi verður ein neutralur veitari, hagar øll, bæði privatfólk, mál­arameistarar, málingahandlar og onnur, skulu kunna venda sær og fáa alla ta vøru, tey ynskja sær. - Sølan hevur gingið væl í vár, og nú summarið nærkast, er sølan framvegis góð. Vit eru í ein­ari góðari periodu, og hetta for­plikt­ar, tí vit vita, at sólin skínir ikki all­an dagin, sum Jógvan Óli á Fríð­riks­ mørk tekur til. Eisin á Instagram Tað eru einir 10 handlar, sum hava Strandamáling við í sínum konsepti kring landið. Hesir handl­ar standa fyri umleið 65 pros­entum av umsetninginum hjá fram­leiðaranum á Strondum. - Siga vit, at handlarnir standa fyri umleið 65 prosentum av søl­ uni, eiga vinnufyritøkur, sum í fyrsta lagi eru málarameistarar, síni 20 prosent - og síðan selja vit um­leið 15 prosent beinleiðis av virk­inum her á Strondum. Jógvan Óli á Fríðriksmørk vísir á, at øll vøran, sum Strandamáling selur, fer beint av goymsluni og út til keyparar kring landið. - Í summum økjum í Føroyum hava vit ein rættiliga stóran markn­ að­ar­part, og aðrastaðni er part­ urin minni. Tað er eingin loyna, at nógvar fyritøkur eisini brúka Facebook til ein part av marknaðarføringini, men seinastu tíðina hevur dóttir stjóran á Strandamáling - Marjun - eisini lagt myndir út á Instagram. - Hetta eru ókendar leiðir í mín­ ari verð, men eg má ásanna, at hetta, sum dóttirin hevur gjørt, hevur lyft undir søluna av inn­ an­duramáling. Flestu hava sínar fyri­myndir, og tað tað vísir seg, at tá myndir verða lagdar út á Insta­gram av nýmálaðum rúmum - pynt­aðum við nøkrum blómum ella gummifruktum - er hetta nakað, sum fangar. Hetta skapar for­vitni. Fólk síggja, hvør kotan til lit­in er, og skjótt kunnu ringarnir breiða seg, og fólk fara at keypa. Jógvan Óli á Fríðriksmørk held­ ur skemtandi fyri, at tað - eis­ini í hesum førinum - helst er neyð­ugt at ýla, sum teir úlvar, tú ert ímill­ um. - Strandamáling noyðist eisini at halda seg har, sum fólkini - ella mál­bólkarnir - eru, og í hesum før­inum vil eg meta, at Instagram vend­ir sær til bólkin umleið 30 pluss, sigur hann. Góð og haldbar máling Føroysk máling fæst til alt, sum hevur við hús og íbúðir at gera, íroknað betong - ella til alt frá terassu til bað. Fyritøkan á Strond­um hevur eisini skipslakk, sum serliga verður brúkt til bátar, mask­in­rúm og omandeks á skipi. - Vit hava valt, hvat tað er, vit vilja framleiða. Vit vilja ikki víkja frá dygdini og selja bíliga máling, sum lítið nyttar. Tað gevur onga meining. Viðskiftafólk hava krav upp á, at málingini, tey keypa, er haldbar og góð. Vit leggja okkum eftir dygdini til ein kappingarføran prís, leggur stjórin at enda aftrat. - Øll vøran, sum Strandamáling selur, fer beint av goymsluni og út til keyparar kring landið, sigur Jógvan Óli á Fríðriksmørk Tá tú keypir Strandamáling, keypir tú føroyska framleiðslu