hósdagur 4. juni 2020síða 9

FRÍGGJADAGUR 5. JUNI 2020 SOSIALURIN 44 9 FRANTS JENSEN T að var ein sorgarleikur, tá ið M/V Mykines og glastrevjabáturin M/B Mars rendu saman í Skopunarfirði stutt fyri klokkan 2 um náttina tann 31. august 2017. Mars sakk og tann eini maðurin umborð læt lív og varð ikki funnin aftur. Hin maðurin varð bjarg­aður. Løgreglan hevur nýtt tvey eitt hálvt ár at kanna málið, og nú er ákæra reist. Sosialurin hevur fingið alment innlit í partar av ákæruritinum. Skipari á Mykinesi ákærdur Í ákæruni stendur, at skiparin á M/V Mykinesi er ákærdur fyri tann 31. mars 2017 umleið klokkan 01.53 sum vakthavandi navigatørur á brúnni um ikki at hava tryggjað sær, at tað alla tíðina var hildin tann neyðuga brúgvarvaktin. Skiparin var nevniliga bæði navigatørur og útkikksmaður, sjálvt um tað var myrkt, og hann lat seg eisini órógva av maskinmeistaranum, og tí var ikki nóg gott útkikk hildið á brúnni. Skiparin hevði heldur ikki lagt ferðina nógv væl til rættis og tryggjað sær, at tað varð siglt sambært góðum sjómansskapi, stendur millum annað í ákæruritinum móti skiparanum á Mykinesi. Skiparin á Mars ákærdur Skiparin á glastrevjabátinum M/B Mars, sum yvirlivdi van­ lukku­na, er eisini ákærdur. Hann er ákærdur fyri tann 31. mars 2017 umleið klokkan 01.53 sum skipari á M/B Mars ikki at hava tryggjað sær, at tað varð hildið neyðugt útkikk, har bæði eygu og oyru vórðu nýtt eins og øll útgerð umborð, og fyri ikki at hava siglt sambært góðum sjómansskapi, við tað at við­komandi metti frástøðuna til M/V Mykines skeivt, og tí ikki gjørdi eina fullfíggjaða meting av støðuni og vandanum fyri samanstoyti. Bøtur Teir ákærdu eru ákærdir at hava brotið ymsar kunngerðir og reglur um góðan sjómansskap. Teir kunnu vænta at fáa bøtur, um teir verða funnir sekir. Ákæruritið er skrivað 11. mars. Korona­farsóttin hevur tó gjørt, at tað enn ikki er greitt, nær málið kemur fyri í rættinum. Fýra vitni skulu avhoyrast, og málið fer væntandi at vera viðgjørt av rættinum í ein til hálvan annan dag. Út frá sjófrágreiðingini um van­lukkuna 31. august 2017, tá ið farmaskipið Mykines og lítli  glastrevjabáturin Mars stoyttu saman, ber til at síggja tíðarlinjuna, hvat hendi Aftaná midnátt 31. august 2017 Glastrevjabáturin Mars setur kalvalínu vestanfyri Trøll­ høvda. Síðani setur hann kós ímóti Gomlu Rætt  gjøgnum Skopunarfjørð. Tveir menn eru umborð, ein 69 ára gamal maður og ein 71 ára gamal maður.  Umleið klokkan 01.53 - Mykines og Mars stoyta saman: Farmaskipið Mykines, ið er á veg til Íslands, og glastrevjabáturin Mars, sum er ávegis á Gomlu Rætt, stoyta saman.    Kl. 02.00 - MRCC fær boðini: MRCC fær boð um, at farma­ skipið Mykines og glas­ trevjabáturin Mars hava stoytt saman í Skopunarfirði. Hend­ ingin hendir ein lítlan fjórð­ing norðanfyri Skopunar bygd. Mykines setur ein bjarg­ingar­ bát í sjógvin og fær bjargað annan mannin av bátinum. Hin maðurin verður ikki aftur­funnin.  Bjargingarbáturin setur enda á Mars, og sleipar endan yvir til skipið Bak, sum lá norðanfyri, tá ið skipini stoyttu saman. Men rimaverkið, ið endin er bundin um, loysnar, og Mars søkkur.    Leitingin eftir manninum byrjar Brimil kemur á staðið og skip­ ar leitingina eftir Mars og manninum, ið ikki er komin aftur­íaftur. Sjey eindir leita um náttina: Brimil, Stelkur, Bakur, Skorðaberg, Vestmenningur, Mykines og Rescue Lív. Tyrlan leitar eisini við tóli, sum vísir hita­mun. Góð líkindi vóru at leita. Seinni sigla fiskiskipini, sum vóru á veg at landa, víðari, og mill­um annað strandfaraskipini Teistin og Ternan koma uppí leiting­ina.  Løgreglan fer umborð á Mykines, áðrenn hann fer víðari til Íslands. Stór leiting Komandi dagarnar verður leit­ að eftir saknaða manninum og eftir bátinum. MRCC boðar frá, at skanningar vísa okkurt, sum kann verða báturin, ið varð sokk­in, og roynt verður í fleiri um­førum at fáa fatur á hesum, men tað eydnast ikki. Hvørki saknaði maðurin ella saknaði báturin verða afturfunnin. Sjófrágreiðing Sjófrágreiðing var í Føroya rætti 6. september um vanlukkuna. Í sjófrágreiðingini vitnað skip­ari, fyrsti stýrimaður og maskinstjóri á Mykinesi, um­ framt maðurin, sum varð bjarg­ að­ur av Mars og skiparin á trolara­num Baki, sum kom á van­lukkustaðið. Umborð á Mykinesi vóru bæði skipari og maskinstjórin á brúnni, tá ið skipið sigldi á glas­ trevjabátin Mars.  Men teir varnaðust ikki glas­ trevjabátin, fyrr enn tað var ov tætt til at stýra undan.  Skiparin segði, at hann roknaði við, at báturin hevur ligið myrkur, og tí sást glas­ trevjabáturin ikki á radara­num.  Tað hendi so knappliga, at tað vóru bara nøkur sekund frá tí, at teir varnaðust bátin, til tað var ov seint.  Maðurin, sum varð bjargaður frá glastrevjabátinum, segði, at glas­trevjabáturin var sera væl út­gjørdur, og var øll útgerðin tendrað: bæði siglingarljós, topp­ljós og radararefleks.  Teir høvdu varnast Mykines, tá ið tað var ein lítil fjórðingur til Mykines. Teir royndu at stýra undan, men tað eydnaðist ikki.  Báðir menninir vóru í stýri­ húsinum, tá ið báturin varð ásigld­ur.  Tað eydnaðist tí eina manni­ num at sleppa út, meðan sjógvur skolaði inn í stýrihúsið.  Tað eydnaðist ikki hinum mann­in at sleppa út. Báturin hvølvdist skjótt og fór at søkka.  Maðurin, sum varð bjargaður, megnaði tó at bjarga sær upp á glas­trevjabátin, áðrenn hann sakk.  Og har sat hann, tá ið ein bjarg­ingarbátur frá Mykinesi fann hann, greiddi maðurin frá í sjófrágreiðingini. ÁKÆRA REIST UM SAMANSTOYTIN MILLUM MYKINES OG MARS Bæði skiparin á Mykinesi og førarin av glastrevjabátinum Mars eru ákærdir í málinum um samanstoytin millum Mykines og Mars tann 31. august 2017 í Skopunarfirði, har ein maður doyði Tíðarlinja fyri samanstoytin Skipið Mykines hjá Smyril Line