hósdagur 18. juni 2020síða 9

FRÍGGJADAGUR 19. JUNI 2020 SOSIALURIN 48 9 streym­aðu avlýsingarnar inn til MB Tours, og Magni Mouritsen vænt­ar ikki, at stórvegis av hesum broyta aftur, hóast landið nú spaku­liga er við at lata upp aftur. – Øll skipini eru sum kunnugt avlýst. Men vit skuldu eisini fáa nógvar aðrar bólkar úr Danmark og øðrum norðurlondum í summ­ ar, men tað er alt avlýst. Ein dansk­ ur kundi hjá okkum hevði bílagt níggju bólkar, sum skuldu vera her í eina viku í senn við fullum pakka, men sjey av hesum bólkum eru longu avlýstir, og vit vita ikki, um tey koma aftur, sigur hann. Magni Mouritsen greiðir frá, at tey høvdu fingið bókingar upp á 15 bólkar í summar, sum blivu av­lýstir, og nú Føroyar hava latið upp aftur fyri ferðafólki úr ávís­ um londum, eru tveir av bólk­un­ um komnir aftur. – So tað er hart. Tú skalt eisini minn­ast til, at meðan korona leik­aði harðast á, so steðgaðu skúl­ar, ítróttarkappingar, legur og alt møguligt annað, sum vit plaga at hava eitt sindur av koyr­ ing av, upp, men har er so okk­ urt byrjað aftur. Beint nú er eitt sindur av túrum, har vit koyra arbeiðs­pláss á sonevndum firma­ túr­um, men tað er so øgiliga lítið í tí samlaðu myndini. Nú koma vit til juli og august mánað, og tá eru tað vanliga bara túrar við út­lendingum, sum vit koyra, men tað er alt annulerað, sigur Magni V. Mouritsen. Hann leggur afturat, at koyr­ ing við føroyskum kundum er sjálv­andi ógvuliga gott, men tað er ein so øgiliga lítil partur av virk­ seminum hjá MB Tours. – Vit hava onga fasta koyring í mun til við nógvar aðrar buss­fyri­ tøkur í Føroyum. Vit fokusera 100 prosent upp á turistkoyring, og tí eru vit serstakliga hart rakt, sigur Magni V. Mouritsen. Fíggjarliga stendur nógv á Tað er eyðsæð, at støðan er kreppu­kend hjá MB Tours í løtuni, og Magni V. Mouritsen dylur held­ ur ikki fyri, at tað sendur nógv á. – Vit klára at standa ímóti í løt­ uni. Men tað merkir, at vit noyðast at brúka tann uppsparda kapitalin hjá okkum. Vit hava keypt tríggjar nýggjar bussar seinasta árið, og tann seinasti av teimum bleiv skrá­settur eina viku áðrenn, at kor­ona legði landið lamið, so hann hevur ikki enn verið í brúk, greiðir hann frá. Í løtuni umhugsa tey, um tey skulu taka nummarpláturnar av buss­unum fyri at spara vegskatt og tryggingar, men so eru buss­ arnir ikki tøkir at fara í vinnu, um brúk verður fyri teimum. – Í Danmark væntar man, at um­leið helvtin av bussfeløgunum í landinum fara á heysin orsaka av korona, so tað sær ikki gott út, sigur Magni V. Mouritsen. Hann og konan, Ann-Mari og pápin Mourits starvast í familju­ fyritøkuni, men síðani kor­ona rakti, eru tey farin í Arbeiðs­loysis­ skipanina. Tey valdu tó at taka ein persón úr skipanini aftur fyri at taka sær av tí koyringini sum var. – Tað er sjálvandi ein góð hjálp, og fíggingarstovnarnir eru ógvu­ liga skiljandi og vísa vælvild, bæði privat og vinnuliga, men tað heldur ikki í longdini, sigur stjórin í MB Tours. Hann sigur, at fyritøkan klár­ ar at halda tørn í løtuni við upp­ spardum kapitali, men um ikki okkurt munagott hendur, so fer tað veruliga at merkjast í heyst. – Tá fellur hamarin, um ikki okk­urt óvæntað hendir. Gamaní er landið latið upp aftur, men tað er ikki nakað, sum vit merkja stór­vegis til. Sum áðurnevnt eru ferða­mannaskipini upp móti 85 pro­sent av okkara virksemi, og tey trúgvi eg ikki, at vit fáa at síggja aftur í ár, so tað sær svart út. Restin av okkara virksemi er buss­koyring, og tað liggur eisini í sori. Kanska verður eitt sindur av koyring í heyst, sigur Magni V. Mourit­sen at enda. Fíggingarstovnarnir eru ógvu­liga skiljandi og vísa vælvild, bæði privat og vinnuliga, men tað heldur ikki í longdini