hósdagur 2. juli 2020síða 6

FRÍGGJADAGUR 3. JULI 2020 SOSIALURIN 52 6 ANNIKA KUNOY IM ANNIKA@SOSIALURIN.FO 22 ára gamla Sissal Jac­ obsen hevur full­ skegg. Hon er sera stolt av skegginum og leggur javnan myndir av sær sjálvari og skegginum á Instagram, har hon eisini við myndateksti og provokatión hevur ein boðskap um sjálvskærleika og at góðtaka seg sjálva. Boðskapurin kann tykjast sera einfaldur, men kortini provokerar hann og øsir summi, greiðir hon frá. Fyri Sissal hevur tilgongdin verið long, og hon hevur havt nógva mótgongd við sær. At læra at elska seg sjálva, hóast tað í sjálvum sær er at berjast ímóti rótfestum samfelagsnormun, er ikki ein løtt ferð at fara á. Serliga ikki, tá ein eisini hevur sjúkur, so sum PCOS og ADHD at stríðast við. Sissal hevur gjørt tað, og boðskapur hennara er, at tað áttu vit øll eisini at gjørt, tí vit eru øll nokk. Líkamikið hvat samfelagið sigur. PCOS Hon er úr Hósvík, men hon býr nú í Kollafirði, og hon starvast dag­ liga í eini vøggustovu. Hóast tað er hormonórógvandi sjúkan, PCOS, sum ger, at Sissal hevur fingið skegg­vøkstur, so er hon als ikki kedd av skegginum longur. – PCOS ger millum annað, at eg ikki fái menstruatión, og at eg taki lætt upp á og havi torført við at klænka meg. Men hóast eg havi full­skegg, so gloymi eg ofta, at eg havi PCOS, sigur Sissal Jacobsen. Tá Sissal Jacobsen var 15 ára gom­ul, byrjaði hon at fáa eitt sind­ur av skeggvøkstri. Í fyrstuni var tað bert á vangunum, men tað útviklaði seg skjótt. Tá hevði komm­unulækni hennara illgruna um, at hon óivað hevði ójavnvág í horm­onunum. Hon varð send til gynækolog, og sum 16 ára gomul fekk hon síðani staðfest PCOS. Fyrstu árini rakaði hon skeggið annan hvønn dag. – Men í 2018 byrjaði eg spakuliga lata skeggið vaksa eitt sindur, og eg havi faktiskt ikki rakað tað síð­ani august 2018. Eg havi bert trimmað tað, sigur hon frá. Spurd, hví hon valdi at lata skeggið vaksa og enntá fevna um skeggvøksturin og at leggja mynd­ ir av tí á netið, sigur hon bersøgin, at hon elskar skeggið hjá sær. – Fyrst og fremst var eg troytt av at raka mær annan hvønn dag, og tá eg byrjaði at síggja skeggið á mær, byrjaði eg eisini at dáma tað meir og meir. Nú eri eg stolt av, at eg klári at vaksa eitt flottari skegg enn nógvir menn, sigur Siss­ al Jacobsen. – Eg vóni, at tað heldur við, sig­ ur hon so. – Sum barn havi eg altíð viljað verið annarleiðis og torað at gjørt tað, sum eg havi hug til at gera, so eg kann veita øðrum íblástur og dirvi, so tey eisini kunnu tora, sigur hon frá. Skeggkonan Instagram vangin hjá Sissal eitur Skeggkonan. Tað hevur hon valt, at hann skal eita, tí hon hevur fingið niðrandi viðmerkingar, har onkur hevur rópt hatta eftir henni. – Tá eg av fyrstani tíð fekk mær ein Instagramvanga, kallaði eg hann Sissalgirl, og eg brúkti hann sum ein vanligan, persónligan Insta­gramprofil, men tá eg fyri tveim­um árum síðani fór at lata skeggið vaksa, minnist eg, at onk­ ur rópti skeggkona eftir mær. Í provoka­tión skifti eg tá navnið á profil­inum til júst hetta, so eg kann eiga heitið, sigur hon erpin. Nú eigur hon tittulin og hon fevnir hann. Tað leggja bæði mynd­ir og tekstur á Insta­gram eisini upp til. Tað er tó einki loynd­armál, at Sissal við sín­um opinleika gongur ímóti sterkt rótfestum normum í sam­felagn­ um – ja, ikki bert føroyska sam­ felagnum men gott og væl øllum heim­inum. Hetta áræði hev­ur hon tó ikki altíð havt, tí hon hevur, sum mangar aðrar ung­ar kvinnur, eisini stríðst við sjálv­svirði, greiðir hon frá. – Eg havi altíð viljað góðtikið meg sjálva, og eg havi altíð viljað verið góðtikin av øðrum eisini. Eg havi tíbetur havt góðar vinkonur, sum hava góðtikið meg, sum eg eri, og tað hevur givið mær orku. Hetta hevur verið ein tilgongd, sum líðandi byrjaði í 2016, tá eg spakuliga fór at góðtaka meg sjálva. Nú síggi eg nakað, sum mær dámar, tá eg hyggi í speglið, sigur unga hósvíksdáman. – Eg havi als ikki altíð hvílt í mær sjálvari, tí eg havi altíð verið ov tjúkk, og eg havi verið koyrd á nógvar klænkingarkurar. Eg havi eisini altíð hildið, at eg nytti einki, og at eg ikki eri pen. Sum tannáringur vildi eg eisini altíð líkjast øllum hinum, sigur hon. – Men hetta var áðrenn, eg byrjaði at finna útav, hvør eg eri. Tá eg spakuliga byrjaði at finna útav tí, fór eg eisini at góðtaka meg sjálva og hvíla í mær sjálvari, sigur hon síðani. Øllum dámar tað ikki umframt at stríðast við PCOS, sum elvir til ólag í hormonunum, hevur Sissal Jacob­sen eisini fingið – Tá eg byrjaði at síggja skeggið á mær, byrjaði eg eisini at dáma tað meir og meir. Nú eri eg stolt av, at eg klári at vaksa eitt flottari skegg enn nógvir menn, sigur 22 ára gamla Sissal Jacobsen úr Hósvík, sum á Instagramvanga sínum Skeggkonan varpar ljós á at tað er í lagi at vera, sum ein er PERSÓNSØGA Skeggkonan: Sum barn havi eg altíð viljað verið annarleiðis og torað at gjørt tað, sum eg havi hug til at gera, so eg kann veita øðrum íblástur og dirvi, so tey eisini kunnu tora PREI: Les meir um PCOS á www.pcoinfo.dk EG ELSKI MÍTT SKEGG HVAT ER PCOS?: PCOS er ein hormon­órógv­andi sjúka, sum rakar á leið fimm til tíggju prosent av kvinnum á barnsburðaraldri. PCOS stendur fyri Poly Cystisk Ovarie Syndrom. Polycystisk merkir, at tað eru bløðrur á eggrótini. Syndrom merkir, at tað er fleiri sjúkueyðenni sam­stundis. Sannlíkt er, at tað eru broyt­i­ngar í ílegunum, sum vaksa um vandan fyri at fáa PCOS. Av tí allar kvinn­ur í somu familju ikki fáa PCOS verður hildið, at um­hvørvið eisini ávirkar. Mill­um annað kann yvir­vekt elva til broytingar í sam­an­setn­ingini av hormonum í blóð­inum. Sjúkueyðkenni: Kvinnur við PCOS hava ofta óregluligar menstruatiónir ella halda uppat við at fáa menstruatión. Á leið helmingurin av kvinn­um við PCOS viga ov nógv ella hava mest feitt á búk­in­um. Økta mongdin av mann­liga hormoninum testost­eron hjá kvinnum við PCOS ger millum annað, at tær kunnu fáa øktan hárvøkstur, sum hjá mannfólki. Tað vil siga harvøkstur í andliti, á bringuni, frá nalvanum og niður og á armun og bein­um. Eisini elvir tað ofta til feittutta húð, og til, at kvinn­an ikki lættliga verður við barn.