hósdagur 2. juli 2020síða 23

FRÍGGJADAGUR 3. JULI 2020 SOSIALURIN 52 23 umframt at hon hevur syrgt fyri at fara til handils og annað. - Hon hevur ansað ómetaliga væl eftir, so hon ikki var atvoldin til at smittan kom heim til mín. Tá ið hon hevur verið til handils ansar hon eftir ikki at fara inn um nógv fólk eru í handlinum. Hon hevur valt sær løtur har so fá sum tilber hava verið í handlinum fyri at sleppa undan smittuvanddanum, sigur hann. Fingist við alt Ein forkláring uppá, at so nógv fólk kenna Kemm Poulsen er hann er so prátingarsamur og frynt­ligur, men eisini at hann hev­ur fingist við alt møguligt og á tann hátt hevur møtt nógvum fólki. Hann er rættuliga buldrasligur og harður í orðum, men kemur tú nøærri at honum lærir tú skjótt, at tað er bara skorpan. Innan er hann leytur sum smeltað smær. Hann byrjaði at arbeiða í fisk­ inum hjá Jákup á Lag sum smá­ drongur og fekst eisini við nógv annað, sum dredingir gjørdu í fimti- og sekstiárunum, men tá ið hann var 15 ár fór hann í læru. Hann hevði tá hjálpt til í handl­ inum og á verkstaðnum hjá Oliv­ ur Næs í eitt ár. Olivur Næs hevði radio­verkstað, har nógv av nýggj­ astu tøknini kom – bæði inn­an radio, men eisini innan tá­tíð­ar samskiftisútgerð. Sum 15 ára gamal fekk Kemm Poulsen lærusáttmála og bleiv út­búgvin radiomekanikari. Ein góð útbúgving at hava, tá ið hann seinni fór at fáast við sjónparps­ upp­tøkur og ikki minst tá ið lýs­ ing­ar skuldu gerast til sjónvarp í áttati-árunum. Í endanum av seksti- og í sjeyti- ár­unum fekst hann við ymiskt og var ein rættuliga kend mynd í nátt­arlívinum í Havn. Tað var í hesum árunum, at øl­ klubbarnir vóru í Havn og nógv av nátt­arlívinum snaraði rundaum hesar felagsskapir. Ein rúsdrekkalóg, sum í ára­vís hevði lagt føroysku rús­drekka­ nýtsl­una í eina avskeplaða legu. Tá var tað soleiðis, at brennivín var skamtað og skuldi tú hava brenni­vín, so mátti tað bestillast úr Dan­mark. Skipanin gjørdi – bæði prísir og flutningur – at tað ongantíð hendi, at eina fløska var keypt, men altíð minst seks fløskur í senn. Fyri at gera atgongdina til rús­ drekka lættari funnu klubb­arnir útav at bestilla í felag og so hava tað í klobbunum. Hetta gjørdi at­ gongdina lættari og einstøku lim­ irnir sluppu undan at stríðast við at bestilla fløskurnar úr út­land­ in­um. - Tað var ein serlig tíð, sum eg var partur av, men satt at siga, so vil eg ikki renna undan hesum. Tað hevur verið við til at mynda meg til tann mann eg eri í dag, sig­ ur Kemm Poulsen í dag. Sjónvarp Áttati-árini fóru í stóran mun við at fáast við sjónvarpsframleiðslu av ymiskum slag. Hann hevði sítt egna studio og redigeringsrúm. Saman við Árna C. Joensen gjørdi han nógvar av fyrstu sjón­varps­ lýs­ingunum og lýsingum í bio­ graf­unum. Hann arbeiddi eisini við at gera send­ingar av ymiskum slag til tá nýbyrjaða SvF. Kemm Poulsen var eisini ein part­ur av Ráðnum fyri Ferðslu­ trygd í sjey-árunum og í byrjanini av áttati-árunum. Tá var Ráðið ein stór­ur partur av tí ferðslupolitikki, sum gjøgnum árini hevur broytt okk­ara atferð í ferðsluni. Millum annað var hann ein av monnunum, sum fekk Hvølvus – ein bilur sum koppaði runt í ein­ um stativi – til Føroyar. Hýrsvognkoyringin Tað er torført at finna nakran, sum er betri egnaður til hýru­vogns­ koyring enn júst Kemm Poul­sen. Fyrst og fremst tí hann altíð hevur dugað væl við fólki, men eisini tí hann hevur stóran áhuga fyri mannalagnum. - Júst at sita í einum hýruvogni ella taxabili gevur eitt fantastiskt innlit í samfelagið. Tú hittir fólk úr øllum samfelagsbólkum – bæði høg og lág. Fólk eru glað, hava kenning og fara í býin, men ofta er tað eisini harðar lagnur ein sær. Fólk, sum liva í einsemi ella sum man sigur á skuggasíðuni í sam­ felagn­um. - Man skal tola hesi upplivilsini, tí lagnurnar og søgurnar raka hart. Eg má siga, at ofta gjørdu rør­ andi søgurnar, at eg illa fekk sovi, tá ið eg kom heim. Kanska havi eg havt ov nógva empati til eitt slíkt arbeiði, sigur Kemm Poulsen. Yrkingarnar Kemm Poulsen var ikki serliga gamal, tá ið hann fór at skriva sang­ir til ymisk høvi í familjuni og til serligar hendingar í vina­ skar­anum. Hetta var oftast stuttligar yrk­ ingar ella tættir, men vend kom í einaferð hann inni hjá einum vin­ manni, tosaði við ein a konu sum júst hevði mist mannin. Hon tosaði sum um hann var farin ein túr og hon so skuldi fáa okkurt frá hondini áðrenn hann kom aftur. Ein mynd av, hvussu vit menniskju ikki altíð fata av­ ger­andi hendingar, sum henda okk­um. - Eg fekk ikki blund í eyguni tá ið eg kom heim og setti meg at krutla ein sang niður. Tað endaði við at Óla Jákup Rólantsson fór við hon­ um morgunin eftir og spældi hann inn á eitt kasettuband, sum Varðar góðu út, sigur Kemm Poulsen. Síðani eru nógvar yrkingar komn­ar út – seinast Lagnan við Kim Hansen. Hallur Joensen og Jens Marni hava eisini spælt nakr­ ar av sangunum inn eins og Halle­ uja Sofus hevur gjørt tað. Kemm Poulsen hevur eisini gjørt stutligar yrkingar, sum eru sungn­ar inn. Besta dømi er helst Rumb­ul í familjuni, sum Árni Andreas­sen, Árni hjá Lítlukonu, hevur spælt inn. - Tilsamans havi eg gjørt ein­ar 100 yrkingar, men allar eru sjálv­ andi ikki komnar út. Summa eru gjørdar til ávís høvi og summar havi eg bara hildið fyri meg sjálv­ an, sigur hann. Kemm Poulsen verður á Boða­ nes­heiminum eina viku ella so aft­ ur­at í hesum umfarinum. - Men ein noyðist at síggja í eyg­ uni at tað gongur bert tann skeiv­ an vegin, so eg kann akkurát tað sama gera meg kláran til, at um ikki so langa tíð, so verður neyð­ ugt, at fái innivist eitt slíkt stað per­manent, sigur Kemm Poulsen. UR UR R R Júst at sita í einum hýru­ vogni ella taxa­ bili gevur eitt fantastiskt innlit í samfelagið Kenda býarmyndin við taxabilin