týsdagur 7. juli 2020síða 8

Mikudagur 8. juli 2020 · Nr. 53 8 Sosialurin Hugskot og viðmerkingar – send sms til 225000 TÍÐINDI Tað gjørdi ógvusligan skaða, tá ið ein stempul­ stong fór í høvuðs­motori­ num hjá upp­sjóvar­ skipi­num í Klaksvík, Norð­borg. Stempulstongin breyt so nógv frá sær, at tá ið serkønir fóru at kanna maskinuna, vísti tað seg, at sjálvur motor­blokk­ urin var skræd­naður. Hetta er ein stórur skaði og tað vísir seg ofta, at tað kann taka langa tíð at fáa ein nýggjan blokk. -Men upprunaliga fing­u vit at vita, at Bergen Diesel kundi lata okkum edin blokk av sama slag í august, men tað vísti seg, at hesin var ikki heilt eins. Hann var gjørdur til ein gasmotor og tí var ymiskt, sum ikki kundi brúkast til Norðborg, sigur Jón Rasmussen, sum er skipari á verk­ smiðju­trolaranum . Góð ráð vóru tí sjálv­ andi dýr og alt var sett í verk fyri at finna ein blokk, sum kundi setast um­borð á Norðborg, so skjótt til ber. Í Suður-Korea Í slíkum føri verður leit­að kring allan heimin eftir einum blokki, sum kann brúkast. Norska verk­ smiðjan, sum hevur latið motorin til Norðborg visti at siga, at fyri smá­ um 10 árum síðani høvdu teir latið ein motor við sama slag blokki, sum tann hjá Norðborg. Motorurin skuldi setast í eitt supplyskip í Suður-Korea, men av onkrari orsøk bleiv skipið ongan­tíð bygt. -Teir hildu so, at hendan maskinan stóð í Suðu-Korea, men so var ikki, fortelur Jón Ras­ mus­sen. Herfyri hevði ein fyri­ tøka, sum selur eykalutir, keypt maskinuna. Fyri­ tøkan er í USA á New Yurk­ar-leiðini. Maskinan var tikin sundur og lutirnir gjørdir klárir at selja, men blokk­ urins tóð framvegis har. -Bæði ein maður frá Klassanum og frá Bergen Diesel fóru at kanna blokkin og tað vísir seg, at hann er sama slag, sum tann umborð á Norðborg. Tí var avgjørt at keypa hann og fáa hann heim til Føroyar, sum skjótast. Í skrivandi stund bíða teir spentir eftir sein­astu pappírunum og so verður blokkurin settur á ein lastbil, sum koyrir blokkin til Halifax. Haðani verður hann førd­ur víðari við einum skipi hjá Eimskip. Møguliga verður hann um­skipaður í Íslandi, men so kemur hann til Før­oyar við Eimskip. -Eydnast hetta sum vit ætla, so fer tað at bjarga okkum part av makrelvertíðini, sigur Jón Rasmussen. Gjørt í Klaksvík At skifta motor – ella blokk, sum í hesum føri – er stórarbeiði. Bert tað at fáa gamla blokkin úr skipinum og tann nýggja umborð krev­ur nógv. Hol má setast í dekk og í síðuna á skipinum fyri at hetta kann lata seg gera. Tað er tungt at fáast við og krevur royndir og handa­lag. MEST stendur fyri at fáa blokkin úr og tann nýggja í, meðan tað er Sleipi­støðin í Klaksvík, sum tekur sær av øllum tí, sum ska skrúvast. -Hetta er stóirarbeið, men eydnast okkum at fáa hendan blokkin nú, so hava vit vunnið nógva tíð í mun til at skula bíða eftir einum nýggjum. Hes­in blokkurin er 10 ára gamal, men hann er ongtíð brúktur, sigur Jón Ras­mussen. Norðborg er bygd í Kili í 2009. Hon er slakar 84 metrar long og góðar 18 metrar breið. Hon hevur verksmiðju umborð og er eitt uppsjóvarskip. FUNNU MASKINBLOKK Á NEW YORKAR-LEIÐINI Maskinskaðin á Norðborg var so ógvusligur, at blokkurin verður skiftur Jón Ramussen Klaksvíkar Sleipistøð Norðborg