hósdagur 9. juli 2020síða 13

FRÍGGJADAGUR 10. JULI 2020 SOSIALURIN 54 13 FRANTS JENSEN – Orsøkin, at vit velja at skifta Christian í Grótinum út nú, er millum annað, at nú eru trygg viður­skifti innan fiskivinnuna í Føroyum, og at vit vita, at vit kunnu virka í 12 ár fram í tíðina, segði Jan Petersen, stjóri í Christian í Grótinum sam­takinum við in.fo 7. juli, eftir at teir høvdu skrivað undir sáttmála um at byggja nýggjan Christian í Grótinum. Støðan hjá øðrum reiðaríð­ um er tann sama. Kaj Johannesen, stjóri í samtakinum Farcod, sum millum annað eigur P/F Hav­ borg og P/F Enniberg, segði tað sama við in.fo, tá ið teir boðaðu frá, at teir høvdu skrivað undir sáttmála um at byggja nýggjan Enniberg 12. juni. – Vit meta, at nú eru støðug viður­skifti innan føroyska fiski­vinnu, eftir at vit høvdu nøkur ár í føroyskum politikki, har vit ikki rættiliga vistu, hvussu politiski myndugleikin ætlaði at skipa fiskivinnuna frameftir. Vit halda tí, at nú er rætta tíðin at byggja nýggjan trolara, sigur Kaj Johannessen. Flakatrolarar og nótaskip Tað eru serliga reiðaríðini, sum hava flakatrolarar og nótaskip, sum endurnýggja flotan. Øll, reiðaríðini, sum hava kvotur í Barenstshavinum, skifta út. Tey trý, JFK-samtakið, Enni­ berg og Framherji, hava øll skrivað undir sáttmálar um ný­bygningar. Fleiri av reiðaríðunum, sum hava nótabátar, velja eisini at endurnýggja, annaðhvørt við nýbygningi ella at keypa nýggjari skip inn í flotan, sum skulu koma ístaðin fyri eldir skip. Tað er tað, sum Varðin og Christian í Grótinum gera. Tvey línuskip hava eisini fingið nýggj skip. Klakkur og Jógvan I eru ávikavist 10 og 22 ára gamlir, men teir eru kortini mun­andi nýggjari í mun til tey skip­ini, teir avloysa. Tað ger, at miðalaldurin á línuskipunum lækkar. Tað ljóðar eisini, at onnur línu­skip liggja framvið og ætla at fáa sær nýggjari skip. Kvoturnar eru orsøk til nýíløgurnar Øll keypini og allir sátt­mál­ ar­nir eru gjørd síðani nýggja sam­gongan tók við í september í fjør. Eitt av høvuðsmálunum hjá teimum, og sum teir fingu við í samgonguskjalið og sum nú er samtykt í løgtinginum, var at avtaka uppboðssøluna, at knýta loyvini at stálinum og at loyvini ikki kundu sigast upp fyrr enn um 12 ár. Reiðaríðini, sum hava gjørt ella fara at gera nýíløgur í fiski­ flotan fyri tilsamans millum 1,8 og 2 milliardir krónur, hava øll fingið tillutað sín part av kvotum, og hesar kvoturnar fara tey eisini at fáa komandi ár­ini, hóast tonsatalið kann lækka ella hækka nakað ár um ár. Talan er bæði um egin­ kvotur og felagskvotur. Nøkur reiðaríð keypa eisini kvotur frá øðrum. Meiningarnar kunnu vera ymiskar um uppboðssølu, menn­ingarkvotur, um kvot­ur­ nar skulu knýtast at stálinum ella ikki og um hvussu skjótt ella leingi loyvini kunnu upp­sigast. Tað er tó sjón fyri søgn, at bara teir góðu níggju mánaðirnar, henda sam­ gongan hevur sitið, eru ongan­ tíð áður gjørdar so stórar íløg­ ur í at endurnýggja flotan. Flot­in verður endurnýggjaður fyri næstan 2 milliardir. FRANTS@SOSIALURIN.FO Flakatrolarar og nótaskip endurnýggja Seks av teimum átta nýggju skipunum, har sáttmálar eru gjørdir um nýbygningar, ella skip eru keypt ístaðin fyri tey gomlu, eru annaðhvørt flakatrolarar ella nótaskip. Nýggja fiskivinnulógin er ein av orsøkunum, at íløgurnar eru ella verða gjørdar Tekning av nýggja Christian í Grótinum, sum P/F Christian í Grótinum letur byggja Tekning av nýggja Enniberg, sum P/F Havborg letur byggja Tekning av nýggja Gadus, sum JFK-samtakið letur byggja Tekning av nýggja Akraberg, sum P/F Framherji letur byggja Frystilínuskipið Jógvan I, sum P/F Eysturoy hevur keypt (Mynd: Álvur Haraldsen)