hósdagur 27. august 2020síða 10

FRÍGGJADAGUR 28. AUGUST 2020 SOSIALURIN 63 10 ANNIKA KUNOY IM I nstagram: Sosiali miðil­in við myndum í mið­depli­ num. Myndir, sum al­ oft­ast vísa tað vakra og filtreraða, sum veitir skumpið í afturpartin til at stremba meir eftir tí fullkomna. Tað veri seg tí fullkomna kroppinum, heiminum, familjuni, sosialu sam­veruni, upplivingum, ella øðrum, sum øll í veruleikanum vita er pallsett og als ikki veru­ ligt - men sum kortini onkurs­ vegna hevur so stóra ávirkan á okkum menniskju. Við øllum rákum koma tó mótrák, og soleiðis er eisini á Instagram, har fleiri bloggarar við sínum boðskapi vilja vísa okkum aftur á veruleikan. Ein teirra er Malan Ludvig. Á bloggi hennara »malunar­ verd« síggja vit ein ófiltreraðan gerandisdag við øllum tí, sum fylgir við. –Eg var troytt av at síggja hitt. Eg var so troytt av tí, at tað plág­aði meg sálarliga. Eg fekk ein niðurtúr, og tað ljósareyða á sosialu miðlunum gjørdi tað ikki lættari hjá mær at koma meg, sigur 38 ára gamla havnar­ daman. Niðurtúrurin kom fyri jól í fjør. Malan Ludvig hevði ein fullan gerandisdag við fýra børn­um, fulltíðarstarvi og undir­vísing. – Eg legði nógv fyri dagin, tað var hektiskt, og krøvini frá mær sjálvari og umheiminum vóru stór.Tað kendist, sum sat ein stórur fílur á bringuni hjá mær. Eg fekk ikki luft, sigur Malan Ludvig, sum síðani fór til til kommunulækna og fekk stað­fest, at kroppsliga bilti henni einki. – Eg hevði ov nógv um oyrini, og tí mátti eg sjúkrameldast. Men eg eri skyldurøkjandi, og tað var torført at viðganga, at eg ikki orkaði meir. Eg vildi eisini vera kekkað og vera hon, sum megnar fýra børn og arbeiði og alt møguligt annað, sum at eta vist­frøðiligt og grønt, sigur hon um tíðina, tá alt varð ovmikið júst fyri jól í fjør. – Tað vil eg enn, men á ein annan hátt, tí eg veit, at eg kann ikki alt í senn, leggur Malan Lud­ vig síðani aftrat. – Tað er lætt at taka krøvini útifrá og gera tey til eins egnu. Tað kendist sum gav eg skarvin yvir, tá eg krasjaði. Men í veru­ leikanum er tað í lagi av og á at ganga í náttklæðum ein heilan dag, sigur hon. Malan var sjúkrameldað í des­ember í fjør og januar í ár. Í februar byrjaði hon at arbeiða aftur, men hon hevði frí ein dag um vikuna. – Eg fór at raðfesta øðrvísi og fór at ganga og renna aftur, og eg hugsaði meg betur um. Eisini býttu vit arbeiðið heima øðrvísi, greiðir hon frá. – Tá eg var sjúkrameldað, hevði eg tíð at hyggja at sosialu miðlunum. Eg visti sjálvandi, at tað ikki ber til, at tað er so fantastiskt hjá øllum øðrum alla tíðina. Tí valdi eg við mínum bloggi at vísa á veruleikan, sigur hon um byrjanina til Instagramvangan malunarverd KRØVINI ERU KRØVINI ERU Navn: Malan Ludvig Aldur: 38 ár Gift við Dáva Brøðraberg Mamma at fýra børnum, sum eru 10, 8, 5 og 3 ár og bonusmamma at einum vaksnum dreingi Útbúgving: kandidat í námsfrøði við hjánámi í føroyskum Starv: arbeiðir sum námsfrøðingur á dagstovni Fylgjarar á Instagram: 602 FAKTA