hósdagur 3. september 2020síða 10

FRÍGGJADAGUR 4. SEPTEMBER 2020 SOSIALURIN 64 10 ÁKI BERTHOLDSEN –  Um fimm ár skulu vit í Før­oyum eiga okkara egna víkingaskip. Tað er endamálið hjá teimum, sum arbeiða við eini ætlan um at byggja eitt heilt víkingaskip í Hovi. Hov er gomul víkingabygd, og sigst at vera ein tann elsta búsetingin í landinum. Nú eru tað nøkur ár síðani, at tankin fór at spretta um at smíða eitt vík­ingaskip í Hovi. Og nú er ætlanini komin so mikið væl áleiðis, at skjótt fara teir fyrstu farvegirnir til hetta at síggjast í Hovi. Just Johannesen, verk­ætlan­ ar­leiðari, sigur nevniliga, at nú verða tey fyrstu, ítøkiligi stigini tikin til at fara undir byggingina. – Vit hava útvegað grund­ stykki til neystið. Talan er um eitt stykki í Leivsgarði í Hovi, beint við fiskaplássið við savnið á Mýri, soleiðis at alt savns­ virksemi í Hovi verður bundið saman á einum stað, sigur hann. Taka fyrsta stigið nú Just Johannesen sigur, at sum skipið skal standa á og tað fyrsta stigið verður at byggja smiðjuna, sum skal smíða alt jarn, og allir seymir, sum skulu brúkast til víkinga­skipið. Hann sigur, at um tveir, tríggjar mánaðir er smiðan liðug. Hon verður lagað við føroyskum gróti og verður bygt, sum gamlar smiður vóru, við alva, sum er eld­ staðurin. Annars kemur málmurin, sum skal brúkast til seym, be­ sløg, og annað jarn í skipinum, úr Íslandi. Síðani verður farið at grava út fyri sjálvum neystinum, ella lang­húsinum, og tað hava tey eisini fígging til. Bæði Smiðjan og neystið verða bygt upp á gamlan før­ oyskan máta, lagað upp av gróti og við flagtaki og neystið verður isolerað við føroyskari ull. Verkætlanarleiðarin sigur, at ætlanin er eisini at keypa viðin til skipið í ár og hann kemur í stórum viðarbulum úr Dan­mark. Talan er um stór eikitrøð sum verður høgt í eini skóg í Dan­ mark og tað verður keypt nú tí tað skal helst liggja úti í eitt ár, áðrenn tað verður brúkt. Eingi nýmótans amboð Just Johannesen sigur, at alt arbeiðið skal gerast upp á gamlan máta við øks, og teimum am­boðum, sum annars vóru til taks í víkingatíð. Og ætlanin er at so nógv fólk sum gjørligt kring alt landið skulu føla, at tey eiga sín part í skipi­num, tí skipið skal nevniliga vera fólksins ogn.   –  Vit halda, at tað hevur stóran týdning, at so nógv fólk, sum tilber fáa tilknýti til verk­ ætlan­ina og føla, at tey eru ein partur av henni, sigur hann. Tískil verða øksirnar, sum skulu brúkast, smíðaðar í smiðjuni á Trøllanesi og seglið, sum er heilar 90 fermetrar, skal vera úr føroyskari ull. –  Vit hava kanna ymsa før­ oyska ull og tað vísir seg, at tann gráa ullin er tann sterk­asta, so seglið verður úr gráari, før­oyskari ull, sigur Just Johanne­sen. – Tað verður spunnið og vovið í stykkjum upp á 90 ferðir 90 senti­metrar, sum síðani verður seymað saman til eitt stórt segl UM FIMM ÁR SKULU VIT EIGA EITT VÍKINGASKIP Í FØROYUM Nú nærkast tíðin, har dreymurin hjá hovbingum at smíða eitt stórt víkingaskip, verður veruleiki. Hetta verður eitt skip, sum skal vera fólksins ogn Soleiðis fer langhúsið at taka seg út í Hovi. Tað er húsið mitt í myndini og tað stendur beint við savnið á Mýri, soleiðis at alt savnsvirksemið í Hovi verður savnað á einum stað Her sæst ein tekning av, hvar langhúsið verður bygt. Tað er beint við fiskastykkið, beint eystan fyri bátahylin ØLL KUNNU FÁA EIN PART Í VÍKINGASKIPINUM Felagið, sum nú fer at smíð eitt víkingaskip í Hovi, er ein almennur felagsskapur. Felagið, Víkingaskipið, er sostatt ein ein felagsskapur, sum øll kunnu verða limur í. Í løtuni eru næstan 60 limir í felagnum, men tey vóna at fáa nógv fleiri limir. Tey siga nevniliga, at tá ið tey fara at søkja um fíggjarligan stuðul, hevur tað stóran týdning at tað eru so nógvar limir sum gjørligt í felagnum fyri at vísa, at tað er stór undirtøka fyri ætlanini. Víkingaskipið hevur eisini eina heimasíðu, har fleiri upplýsingar eru um ætlanina. Heimasíðan er at finna á: http:// vikingaskipid.com