hósdagur 17. september 2020síða 5

FRÍGGJADAGUR 18. SEPTEMBER 2020 SOSIALURIN 66 5 millum 35 og 55 metrar, og tað skuldi verið væl egnað til eina slíka offshore verkætlan, sigur Terji Nielsen. Hann sigur, at enn hevur man ikki gjørt nakrar kanningar á stað­num, men nú er ætlanin at fáa loyvir upp á pláss, so at man kann fara undir at gera fyri­reikandi kanningar til eina slíka verkætlan komandi ár. Men vit skulu sjálvandi eisini kanna aðrar staðsetingar fyri at finna bestu loysnina. Men tað er greitt, at tað verður á eystursíðuni av Føroyum, tí har er minni alda, enn tað er á vestur­síðuni, sigur menn­ingar­leið­ar­in hjá SEV. Kanningarnar umfata dýpd­ir, botn-, aldu- og vind­viður­skifti, umframt umhvørvis­árins­met­ ingar. Umsókn verður send myndugleikunum um loyvi til at fara undir hetta arbeiðið. Eisini skulu kanningar gerast í mun til íbinding og flutning av orkuni, ið kemur frá eini hav­vindmyllulund, umframt hvørji tiltøk skulu gerast fyri at tryggja framhaldandi støðufesti í elskipanini. Pumpuskipan í Vestmanna er ein fortreyt Fyri at man skal koma á mál við verkætlanini um eina hav­vind­ myllulund av slíkari stødd, er tað ein fortreyt, at man hevur eina pumpuskipan í Vestmanna sam­bært SEV. Tí neyðugt verður at goyma partar av framleiddu elorkuni til tíðir, tá ið minni vindur, og harafturat skal skipanin vera við til at óstøðugu vindorkuna meira støðuga, og neyðugt verður við tillagingum á neti­ num, so at man orkan kann fáast til høldar í elskipanini. Vit hava góðar vónir um, at hetta letur seg gera um okk­ara leiðir, men skal ein slík verk­ ætlan rúmast í elskipanini, er neyðugt, at ferð eisini kemur á um­leggingina av upphiting og flutn­ingi í samfelagnum, sigur Terji Nielsen, menningarleiðari hjá SEV. Hann vísir á, at SEV við hesi verk­ætlan tekur eitt stórt stig móti at gerast 100 prosent grønt, men skal alt samfelagið gerast grønt, so er tað ein fyritreyt, at før­oysku húsarhaldini gerast grøn. TERJI@SOSIALURIN.FO ÍVERKSETAN Í 2025 Tíðarætlanin fyri verkætlanina um havvindmyllulund er fyribils tann, at tað verður farið undir at gera ítøkiligar kanningar komandi ár. Í 2022 kann projekteringin so fara fram, kaðalleggingin verður gjørd í 2023 og 2024, og so verður íversetan í 2025. Talan er tó ikki um, at verkætlanin stendur endaliga klár í 2025, men tá verður fyrsti parturin klárur at seta í gongd. ÆTLA SÆR FØROYSKA FÍGGING Nýggja havvindmyllulundin, sum SEV ætlar at seta upp, verður ein tann kostnaðarmesta verkætlanin í Føroya søgu. Fyribils er kostnaðurin av havvindmyllulundini mettur til at liggja millum hálvaaðru og tvær milliardir krónur. SEV hevur í hesum sambandi sett sær fyri, at fíggingin skal vera eitt samstarv millum fleiri føroyskar fyritøkur, so sum orkuveitarar, íleggjarar og aðrar størri fyritøkur í Føroyum. Vit hava ikki verið í samband við nakra fyritøkur um fíggingarsamstarv, men vit vænta, at áhugi er fyri hesum. Um tað ikki skuldi verið, so er tað neyvan nakar trupulleiki at fáa fígging uttanlands, tí slíkar offshore verkætlanir verða mettar sum ein sera trygg íløga, sigur Hákun Djurhuus, stjóri í SEV. Ein so stór útbyggingarverkætlan hevur nógv avleitt virksemi við sær, og samstarv um verkætlanina hevði verið til gagns fyri allar partar halda teir hjá SEV.men tá verður fyrsti parturin klárur at seta í gongd. Í GRØNA ORKU Tað er av alstórum týdn­ingi at fáa ferð á grønu útbyggingarnar, skulu vit gera okkum nakra vón um at gerast leys av oljuni í 2030. Terji Nielsen, menningarleiðari hjá SEV Mynd: ÁLvur Haraldsen Nakað soleiðis kemur tað at síggja út, um havvindmyllulundin eystan fyri Nólsoynna verður veruleiki Tilgjørd mynd: SEV