hósdagur 15. oktober 2020síða 16

FRÍGGJADAGUR 16. OKTOBER 2020 SOSIALURIN 73 16 PÆTUR HJALMAR EVENSSON A t hava fíggjarligt fræl­si, vera sín egni stjóri og arbeiða heim­aní­frá nakrar tím­ar um vikuna ljóðar sum ein dreymur. Og umframt góða løn eru ókeypis ferðir og goldin bil­ur ikki hissini snøklar at fáa við sínum starvi - eitt starv sum ein og hvør kann fáa. Tað ljóð­ar næstan for gott til at vera satt. Men hendan fantastiska møgu­ leik­an hava óvanliga nógvir før­ oy­ingar fingið eftir hondini - ser­ liga ungar kvinnur. Tað byrjar typiskt við, at ein seljari setur seg í samband við teg á sosialu miðlunum og for­telur tær um møguleikan at blíva tín egni stjóri og fáa eitt betri lív. Tú fært kanska at vita, at tú hevði egnað teg væl, tí viðkomandi sær eitt stórt potenti­ali í nettupp tær. Men tú fært ikki at vita beinanvegin, hvat starvið heilt konkret snýr seg um, men bara at tað verður leit­að eftir nýggjum fólki fyri tíð­ina. Freistandi ljóðar tað í øllum førum - serliga um tann, ið vendir sær til tín, er familja, vin­fólk ella kenningur. Møguleikin snýr seg í stuttum um at blíva sjálvstøðugur seljari av ymsum produktum innan eitt nú húð- og hárrøkt, og tað eru eftir hondini nógvir av hesum í Føroyum. Fyritøkurnar handan hetta konseptið byggja sum oftast á tað sokallaða Network Marke­ting - eitt handilskoncept, har selt verður beinleiðis frá fram­leiðara til kunda gjøgn­ um eitt breitt netverk av sjálv­ støðugum seljarum. Ein av teim­um kendastu fyritøkunum við Net­work Marketing kallast For­ever Living, sum er ein stór al­tjóða fyritøka, ið er førandi inn­an framleiðslu og sølu av pro­dukt­um frá plantuni Aloe Vera. Stóri spurningurin er so, um tað veruliga ber til at røkka tín­ um dreymum um fíggjarligt frælsi so skjótt, sum tú fært var­hugan av, áðrenn tú játtar at blíva partur av Forever Living ella øðrum líknandi. Milja brýtur tøgnina Ein av teimum førandi Forever- seljarunum í Føroyum seinasta árið hevur verið 24 ára gamla Milja Kristina Pattinson Joensen. Men aftaná at hava verið partur av hesum virkseminum í knapt eitt ár, hevur hon nú valt at venda Forever Living bakið. – Eg vaknaði og sá, hvussu langt úti hetta er, sigur unga gøtu­kvinnan Milja, sum í dag býr í Funn­ingsfirði við sínum sjeiki og teirra tveimum børnum. – Tað er frekt at lúgva og bara siga hálvar sannleikar, tá mann roynir at fáa fólk uppí sítt virk­ semi. Tey prenta ein dreym í høvd­ið á fólki, sum ger, at øll fara eftir málinum at blíva millioner. Men tað er bara ikki pláss fyri øllum at vera millionerar í senn, sigur hon avgjørd. – Mann skal vita, hvat tað inni­ber at blíva partur av For­ ever Living, tí tað er sera ósann­ líkt, at mann fær nakað burturúr tí, sigur hon. Manglaði eitt arbeiði Alt byrjaði við, at Milja bleiv bjóðað til eitt sokallað kunda­ kvøld við einum seljara, sum vísti ymisk produkt fram og for­taldi um Forever Living. Milja, sum altíð hevur elskað Aloe Vera, keypti nokkso nógv pro­dukt sjálv, og hon læt bara heilt væl at. Eina tíð seinni, tá Milja var liðug at vera í barsli, leitaði hon eftir einum starvi at hava aftrat skúla­num. Í hesum sambandi kom hon í tankar um hetta kundakvøldið. – Eg mintist, at hon hevði sagt, at væl væl ber til arbeiða heimanífrá og tjena nakrar eyka túsund krónur við at selja produkt. So skrivaði eg til hennara fyri at hoyra nærri, for­ telur Milja. – Hon segði, at hon helt, at hon hevði eitt gott pláss til mín. Tað virkaði, sum eg spurdi í røttu løtu, og at eg var heppin. LOKKANDI LOKKANDI DREYMURIN DREYMURIN UM UM FÍGGJARLIGT FÍGGJARLIGT FRÆLSI SPØKIR FRÆLSI SPØKIR Í FØROYUM Í FØROYUM "Mann skal vita, hvat tað inniber at blíva partur av Forever Living, tí tað er sera ósannlíkt, at mann fær nakað burturúr hesum”. Tað sigur 24 ára gamla Milja K. Pattinson Joensen, sum hevur verið millum tey ovastu í føroysku føðiketuni fyri eitt handilskonsept við vælveru-produktum