hósdagur 5. november 2020síða 4

FRÍGGJADAGUR 6. NOVEMBER 2020 SOSIALURIN 78 4 ANNIKA KUNOY IM L ítið vistu 30 ára gamla ElsaMaria Dam Kongs­ líð og 33 ára gamli Er­ hard Pæturson Kongs­ líð, hvussu turbulent fyrsta árið sum hjún for at verða, tá tey fyri góðum ári síðani góvu hvørjum øðrum sítt ja. ElsaMaria gjørdist við barn fyrst í 2020. Hetta var eitt tíðar­ skeið, sum hon sjálv lýsir sum ógvuliga stressandi. Um Ólavsøku hevði ElsaMaria tað ikki gott. Hon hevur cøliaki, sum er ovurviðkvæmi fyri glut­ en, og hon kendi til signalini, sum kroppurin sendir henni, tá hon er ovbyrðað av strongd. Hon misti millum annað røddina, og hon orkaði sera illa vanlig ting í gerandisdegnum, sum at ganga trappur ella at tosa við fólk. – Eg arbeiddi nógv og hevði í so nógv at gera, sigur Elsa­ Maria Dam Kongslíð, sum bæði undirvísir í tvørfloytu í Musikk­ skúla­num í Klaksvík, Runavík og Skála og arbeiðir í Burn Fitness í Havn. – Eg svav nógv, og eg orkaði einki. Tað var dráp at ganga trapp­ur­nar, og eg fekk illa etið, tí eg fekk so ilt í búkin. Eg royndi at drekka smoothie og lættar drykk­ir, soleiðis at eg fekk okkurt niðurum, sigur hon frá. Fær koronu 4. august hava ElsaMaria og Er­ hard eitt ára brúdleypsdag og fara út at eta tað kvøldið. Tey møta systur ElsuMariu. Uttan at vita tað tá, hevði hon verið saman við onkrum, sum hevði koronu. Tveir dagar seinni verð­ ur systur ElsuMariu testað posi­ tiv fyri koronu, og tey skuldu øll í sóttarhald. ElsaMaria og Er­hard testaðu tá negativ. Seks dag­ar seinni fara tey aftur at testa seg, tí Erhard heldur seg kenna okkurt á sær. ElsaMaria mót­mælir eitt sindur, tí hon kennir seg illa fyri og orkar ikki so væl út at verða testað aftur. – Eg hugsaði, at eg kundi líka so gott fara, tí var hann sjúkur, so mátti eg testast aftur kortini. Vit fóru saman við foreldrunum hjá mær, og tá var eg tann einasta, sum var smittað. Tá landslæknin ringdi og segði ElsuMariu, at hon hevði koronu, varð ElsaMaria fyrst rætti­liga irriterað. Hon var móð, illa fyri og orkaði illa tankan um ein longt sóttarhald. Tað er ikki neyðturviliga vandamikið at fáa koronu, tá ein gongur við barni. Serliga ikki, tá ein ikki er komin til at eiga, tí tá er ikki neyðugt at fara á sjúkra­húsið, fekk hon at vita frá læknanum tá. Men ElsaMaria varð bara verri og verri fyri. Fyri tað allar mesta lá hon á sofuni og orkaði næstan ikki upp á loft­ið á ves. Fleiri ferðir ringdi mam­ ma hennara og bað hana taka fepurin. ElsaMaria var í sótt­ar­ haldi og átti ongan fepurstokk, og tí visti hon ikki, fyrr enn gumma hennara kom við einum fepurstokki, at fepurin lá um 39 stig. Hon var tá ógvuliga ússalig. Hon vildi tó illa til lækna, tí sum hon sjálv greiðir frá, so hevði hon so lítla orku, at hon orkaði ikki tankan um at skula út, verða kannað og síðani send heim aftur. Men ElsaMaria hevur eisini ein gubba, sum er kommunulækni og mamma Elsu­Mariu hevði ringt til hans­ ara, og hann hevði tosað við Lands­sjúkrahúsið, og síðani varð avgjørt, at ElsaMaria mátti fara á skaðastovuna og verða kannað. Verður innløgd Leygardagin koyrir Er­hard ElsuMariu oman á Lands­sjúkra­ húsið, og har varð gjørt klárt at fáa koronusjúklingin inn. – Læknin kemur út eftir mær uttanfyri skaðastovuna við masku, klæðum, handskum og verju fyri høvdið til mín, áðrenn eg kundi fara inn á sjúkrahúsið. Lækn­arnir vóru í tí sama, greiðir hon frá. Hon fór fyrst inn á skaða­ stovuna, har royndir vórðu tikn­ ar, og hon varð síðani koyrd á intensivdeildina, aðrenn hon verður flutt á seingjadeildina á A3 sunnudag. – Tá roknaði eg við, at eg skjótt fór at verða send heim aftur, tí eg var komin á seingjadeildina at liggja, sigur ElsaMaria, sum lítið visti um, hvussu umfatandi kom­andi vikurnar fóru at verða. SAMRØÐA: ElsaMaria Dam Kongslíð – Í fleiri dagar lá 30 ára gamla ElsaMaria Dam Kongslíð á intensivudeild á Landssjúkrahúsinum, tí hon var ógvuliga sjúk av koronu, og hon orkaði illa at eta og at anda. Tá ElsaMaria ikki batnaði, varð avgjørt at taka barnið við keisarskurði í viku 33, og meðan ElsaMaria fór aftur á intensivdeildina, fór fór nýfødda dótturin við pápanum í avbyrging VIÐ BARN VIÐ BARN OG OG INNLØGD INNLØGD VIÐ KORONU VIÐ KORONU Eg hugsaði alla tíðina, at um diddan hevði tað gott, skuldi tað nokk ganga, tí eg skuldi nokk klára meg