hósdagur 26. november 2020síða 20

FRÍGGJADAGUR 27. NOVEMBER 2020 SOSIALURIN 84 20 EYÐUN KLAKSTEIN Í dag kemur nýggj krimi­ bók hjá Jógvani Isaksen út. Hon hevur fingið heit­ið »Paranoia«. Tað heilt serliga við hesari bók er, at fyri fyrstu ferð hittast hetjurnar hjá Jógvani Isaksen –  váttligi blað­mað­ urin Hannis Martinsson og framfýsni politisturin William Hammer –  í somu bók. Hannis Martinsson man vera millum kendastu fiktivu persónar í Føroyum, og ivaleyst eru eisini mong, ið kenna William Hammer. Higartil hevur Jógvan Isaksen skrivað 10 bøkur við Hannisi og 6 bøkur við Williami og hansara Skansadeild. Í seytjandu krimisøguni eru teir báðir høvuðspersónar. –  Onkur hevur nevnt hendan møguleikan, at Hann­ is og William skulu vera við í somu søgu, og eg havi hugsað um tað í eina tíð. Nú havi eg so skrivað eina søgu, har báðir eru við, sigur Jógvan Isaksen. Søgugongdin er hon, at ein amerikansk kvinna verður fyrst í mars mánaði funnin druknað úti á Boðanesi. »Hon leit eina seinastu ferð út í tann myrka himmalin og niður í tey hvítu aldubrotini, tá ið hon fekk eitt harðligt skump í ryggin. Hon fór send­andi út av klettinum, og sekundið áðrenn hon kom niður í meldurin av gróti og brotum, skeytst tað upp á hana: Bara tað ikki var Krakin, sum var eftir henni!« Hannis Martinsson og William Hammer siga báð­ir sín part av søguni um upp­ klár­ingina av tí, sum vísir seg at vera eitt dráp. Skjótt koma aðrar ræðandi hend­ ingar hesari á baki – og so er koronan komin til Føroya. Um somu tíð er tað líkt til, at aftan fyri hendingarnar búgva roynd­ir hjá stórveldunum at gera sína ávirkan galdandi. – Putlispælið verður størri, tá ið tú skalt fylgja tveimum linj­um, sum av og á krossast, men stundum fara hvør sín veg. Hetta er í grundini meira krevjandi at skriva, enn eg hevði ímyndað mær fram­ man­undan, sigur Jógvan Isak­sen. Fríggjadagin verður bókin so latin almenninginum. For­lagið Marselius gevur »Paranoia« út. Jógvan Isaksen gevur í dag út nýggju krimibókina »Paranoia« Hon fór sendandi út av klettinum Jógvan Isaksen hevur skrivað nýggja krimi, har báðar hansara hetjur eru høvuðspersónar EYÐUN KLAKSTEIN 29 ára gamli Danial Viðoy av Viðareiði hevur útgivið sína fyrs­tu skaldsøgu. »Tvístøða« er ung­dómsskaldsøga, sum snýr seg um viðoyingin Bartal, ið skal fara frá studentaskúlalívinum og út í tað veruliga lívið. Bartal livir sum ongantíð fyrr, men má brátt boyggja seg fyri av­ bjóð­ingum, ið hann ikki hevur verið úti fyri áður. Tað annars góða summarið endar við at raka høvuðspersónin dygt, tí til­verugrundarlagið broytist full­komiliga. – Heilt frá ungum árum hevur mær dámt væl at skriva. Tá ið mín­ir javnaldrar á Viðareiði gledd­ust um at fáa teldu í húsið til telduspøl, gleddist eg meira um tastaturið, soleiðis at eg slapp at skriva teldubrøv í staðin fyri hondskrivað brøv til pápa, sum sigldi úti, sigur Danial Viðoy, sum er við Akrabergi í Barentshavinum. Hann skrivaði langar stílar í skúlanum, familjan fekk frá­ sagnir um fótbóltsdystir og út­róð­ur, og í 2011 fór Danial at skriva fyri Norðlýsið. – Tað eru nógv ár síðani, eg fekk dreymin um at skriva eina bók, og fyri góðum níggju árum síðani fekk eg hugskotið um, hvat bókin skuldi snúgva seg um. Tað var tá, at eg skrivaði fyrstu reglurnar til bókina, sum nú er útgivin. Síðani havi eg havi skrivað eini trý handrit, sum øll vórðu vrakað, sigur Danial Við­ oy. – Í vár, tá ið eg hálvavegna hevði uppgivið bókadreymin, og korona leikaði upp á tað harð­asta, sendi eg allar kladd­ ur­nar til ymisk forløg. Turið Sigurðar­dóttir á Ungu Føroyar vísti søguni ans, og tá settist eg aftur við skrivaraborðið. Hesa ferð nógv meira ítøkiliga og málrættað enn áður, tí eg kendi á mær, at um tað skuldi vera, so mátti tað vera nú, sigur hann. Forlagið skrivar um bókina, at høvundin dugir at siga eina søgu. Sjónarhornið í bókini er eitt annað, enn vit eru von við. Realisman í »Tvístøðu« er naskari. Lesarin sleppur veru­ liga at smakka og lukta lívið hjá høvuðspersóninum Bartali heima á Viðareiði eins væl og í Klaksvík, á Mallorka, á Tvøroyri, í Havn, á Íslandsrygginum og í Dan­mark. – Hetta hevur verið ein ómeta­liga lang prosess. Fólk hava vitað, at eg havi skrivað eina bók og hava spurt eftir hen­ ni, og eg havi ikki tal á, hvussu ofta eg havi hildið, at bók­in hevur verið liðug. Men nú er hon so her, sigur Danial. Krút er í »Tvístøða« er merkt av real­ ismu og byggir á veruligar upp­ liv­ingar. Til bókaframløguna farna leygardag í Norð­ur­landa­ húsinum lýsti Turið Sigurðar­ dótt­ir frá Ungu Føroyar bókina soleiðis: – Bókin kann ganga veru­ leikan­um og samtíðini nær, tí hon dugir snildir at umskriva hetta tilfarið til skaldskap, so at hon – sum maðurin segði – kann lúgva sannleikan fyri fólki. Hon kann so mangt. Tann góði skaldsøguhøvundurin hevur sín egna stíl og tóna, hevur inn­lit í menniskjahjørtuni og hevur vitan og yvirlit. Hann skapar ein heim innanfyri fram og bakpermuna, og fær okkum at venda eina blaðsíðu fyri og aðrari eftir, tí vit vilja hava lut í hesum heiminum, sum hann skapar. Danial Viðoy sigur, at hann í skriv­ingin hevur lagt seg eftir ein­um veruleikakendum stíli. – Eg eri sjálvur erligur av lyndi, og tað havi eg tikið við mær í skrivingina, sigur Danial Viðoy, sum byggir ungdómsskaldsøgu á veruligar hendingar. Í níggju ár hevur hann arbeitt við bókini »Tvístøða«, sum nú er útkomin EG HAVI EG HAVI SKRIVAÐ SKRIVAÐ EINA EINA ERLIGA ERLIGA BÓK BÓK