hósdagur 3. desember 2020síða 15

FRÍGGJADAGUR 4. DESEMBER 2020 SOSIALURIN 86 15 leikara og eina rollu. Ein sjón­leikari hevur eitt avmarkað tal av tímum, og hann veit ikki, hvussu nógvar tímar hann hevur. Og roll­an doyr í prinsippinum ikki, tí hon er jú skapt av hugflogi, men hon er eisini bara livandi, um onkur sjón­leikari spælir hana, sigur Marita Dalsgaard og heldur fram: – Vit vita ikki, hvussu nógvar ella fáar tímar vit hava. Men vit vita, at teir blíva uppi. Og allíka­væl bera vit okkum at, sum vit gloyma, at teir blíva uppi. Vit hava tað við at fortapa okkum í ting­um, sum í roynd og veru ikki hava serliga stóran týdning. Hvat ger lívið gott? Hvussu trívast vit? Hvat grejna vit um, og hvat er vert at grenja um? Vóna at undirhalda hyggjaran Sjónleikaraparið vónar, at hyggj­ar­ arnir fáa okkurt burturúr skemti­ leikinum. – Eg vóni, at tey verða und­ir­hildin, og at tey eru heit og bleyt um hjartað, tá tey fara avstað aftur, sigur Marita Dalsgaard. Olaf Johannesen vónar nøku­lunda tað sama. – Eg vóni eisini, at tey hava stuttleikað sær, meðan tey hava fingið eina søgu fortalda, sum kanska eisini hevur nortið tey, sigur hann. – Høvuðsorsøkin til at vit gera hendan leikin er, tí okkum dám­ar hann. Hann er stuttligur, sam­stundis sum hann hevur nakað uppá hjartað. Tann sam­an­renningin er heilt perfekt fyri ein sjónleik, haldi eg, sigur Olaf Johannesen. Marita leggur aftrat: – Og so vóni eg, at áskoðararnir skilja, hví vit skilja sjónleik so nógv! Tí hetta er ein ordiligur teatur- sjónleikur. Vit bæði eru for­elskað í hvørjum øðrum, men vit eru eisini forelskað í sjónleiki, so tað hopa vit smittar av á hyggj­aran, sigur hon. Korona órógvaði Í vár vóru Marita Dalsgaard og Olaf Johannesen í holt við ein ann­an sjónleik í Føroyum - hesin leik­urin kallaðist "Dýpið" og skuldi vera í SALT á Tvøroyri. Men hetta var beint uppundir, tá korona leikaði harðast á í vár, og tí máttu tey avlýsa. Umleið eitt hálvt ár seinni kom Marita í tankar um leikin ”Tann komiska tragedian”, sum Eva Bonfanti og Yves Handstad upprunaliga hava skrivað. Hon vísti Olaf handritið, og hann varð seldur beinanvegin. – Ja! Feitt, hugsaðu vit. Og so fóru vit í gongd, siga tey. Tí var tað meira ella minni av tilvild og av praktiskum orsøkum, at ”Tann komiska tragedian” nú er aktuellur. – Tann senografiski og tekniski parturin við ”Dýpið” var ein alt for stórur váði at taka mitt í koronu, tí vit kundu ikki pakka allan leikin undir armin. Tað kunnu vit við hes­um. Leikurin ”Tann komiska tragedian” er meira einfaldur. Umframt sjónleikaran skulu vit her bara brúka eitt teppi, ein kust, eitt nótastativ, eina masku og ein tekst, flenna Marita og Olaf. Munur á áskoðarunum Olaf er spentur upp á, hvussu før­ oysku áskoðararnir eru í mun til aðrar áskoðarar, hann hevur spælt fyri uttanlands. – Mítt upplivisli av føroyskum áskoðarum er, at teir eru øgiliga móttakiligir fyri tí, teir síggja. Tað veri seg tónleik, sjónleik og film. Leiðin inn í fólkið er onkursvegna lættari og beinari í Føroyum enn aðrastaðni. Kanska tí her ikki er so nógv at velja ímillum, eg veit ikki. Tí er mann kanska meira opin í Føroyum, sigur hann. Marita hevur spælt somu leikir í Føroyum sum uttanlands fleiri ferðir - og hon hevur lagt merki til ein týðiligan mun millum áskoð­arar. – Tað er nokkso stuttligt. Tí tá mann spælir ein leik ofta, so veit mann, nær áskoðararnir flenna, og nær mann skal halda eina lítla pausu. Tann grundpulsurin er ofta øðrvísi, sjálvt um leikurin í prin­sippinum er precist tann sami, sigur Marita, sum eitt nú hev­ur spælt sama leik í Føroyum, Dan­mark, Japan, Týsklandi og Russ­landi. – Sum leikstjóri dámar mær serliga væl at instruera í Føroyum. Tað snýr seg nokk um, at eg havi eitt annað samband til ein før­oyskan kontekst, enn eg havi til ein kontekst aðrastaðni, sigur hon. Einsrøðuleikur Hvat er tað serliga við at spæla einsamallur? – Tá hevur tú fult tamarhald á støðuni, sigur Olaf, so Marita fer at flenna. – Jú altso, tað er nokkso stutt­ligt, men tað er eisini nokkso ræð­andi. Tí mann fær einki forerandi frá sínum viðleikara. Tú skalt skapa alt sjálvur. Og í hesum leik­inum upptraðka fleiri rollur, og tað er stuttligt, tí tað krevur nakað reint sjónleikaratekniskt, sigur hann. – So upp á ein máta tosar tú við teg sjálvan allatíð. Tað kann gott vera eitt sindur skizofrent undir venjingum, men jú, tað er stuttligt, sigur Olaf og ásannar, at hann gott kann blíva eitt sindur móður aftaná venjingarnar. Arbeiða væl saman Hvussu er tað annars at arbeiða saman sum par? – Vit eru ikki heilt einsamøll. Vit arbeiða eisini tætt saman við einum triðja manni, sum eitur Súni Joensen. Hann er ljóssniðgevi til Ta komisku tragediuna. Tað er ordi­liga deiligt at arbeiða saman við Súna. Vit trý hava upp á stutta tíð funnið okkara máta at arbeiða saman uppá, sigur Marita Dalsgaard. Annars er samstarvið millum sjónleikaraparið gott, siga tey. – Vit eru von vit at arbeiða sam­ an. Tað hava vit gjørt ofta fyrr, og tað gera vit meira ella minni allatíð. Vit síggja, hvat hin ger, hjálpa hvørjum øðrum og sparra. Tað riggar væl. Munurin við hesum leikinum er tó, at leik­lut­irnir hjá okkum eru meira klárt defineraðir. Marita situr í sal­ inum sum leikstjóri, meðan eg eri á pallinum. Men egentliga er sam­ starvið tað sama, sigur Olaf Jo­ hannesen. Marita Dalsgaard er samd, og hon metir tað hava sínar fyri­mun­ir at arbeiða saman. – Tað er trygt hjá mær at leik­ stjórna Olaf, tí vit hava tosað sam­ an í so nógv ár. Tí er tað til dømis skjótari hjá mær at for­klára okkurt fyri honum enn fyri onkrum øðrum. Tað er eisini trygt á tann hátt, at um eg sum leikstjóri komi til at dumma meg, so er tað lættari at rætta tað upp við Olafi enn við onkrum øðrum. So tað er effektivari og tryggari, og tað er eisini stuttligari, sigur Marita Dals­ gaard. Alt nýtist ikki vera í Havn ”Tann komiska tragedian” verður vístur bæði í Løkshøll í Runavík og í SALT á Drelnesi. Olaf og Marita fegnast um vælvildina frá hesum báðum støðunum, sum hava víst leikinum áhuga frá byrjan av. Tey spæla uttanfyri Havnina, tí tey eru umbiðin, væl móttikin, hølini eru góð, og tí tey hava hug at fara har. Marita heldur tað hava stóran týdning, at tað skal bera til at fara til sjónleik aðrastaðni enn í Havn. – Eg meini virkuliga, at man skal royna at fáa sjónleik og list yvirhøvur út um høvuðsstaðin. Alt skal ikki bara vera í høvuðs­staðn­um. Men tað er tungt at taka størri verkætlanir út úr høv­uðs­staðnum, sigur Marita Dalsgaard og tekur dømi um leikin Veitsluna, sum gekk í 2015, og sum m.a. eisini var vístur í miðsnámsskúlanum í Hovi. – Tað er gott at taka listina út um høvuðsstaðin, og tað havi eg altíð hildið. Tað skal ikki vera so­leiðis, at mann verður noyddur at fara til havnar fyri at fáa slíkar upp­livingar. Øll gjalda ju skatt til tað, sum er fíggjað av landinum, sigur hon. Marita Dalsgaard sigur, at frí­yrkis yrkissjónleikurin einki stað hevur í Havn. – Tá ið tað er sagt, at tað av ment­ anarpolitiskum orøskum er umráandi at spæla uttan fyri Havnina, so má næstan leggj­ast aftrat, at Havnin hevur einki spælistað til fríyrkis yrkissjónleik. Havnin hevur heldur ikki, um vit síggja burturfrá Norð­ur­ landa­hús­in­um, spælistøð, sum hava líka høgt støði sum Løkshøll og SALT, sig­ur hon. – Havnini tørvar í álvarsligan mun spælistøð, so tað er eisini ein orsøkunum til, at vit spæla utt­an fyri Havnina, sigur Marita Dals­gaard. EDIA VARA PROKLAMA Øll, sum hava krøv í búnum eftir Símun Petur Hansen, Bøgøta 27, 350 Vestmanna, føddur tann 13. september 1934, deyður tann 23. august 2020, og eftirsitandi hjúnarfelaga Anna Maria Hallgerð Arge Hansen, f. 9. august 1939 verða við hesum biðin um innan 3 mánaðar frá kunngerð av hesi lýsing at boða frá og skjalprógva krøv síni fyri undirritaða skiftirætti. Tikið er ikki við skuld. Krøv skulu gerast upp pr. deyðsdagin, og sendast til advokat Petur Even Djurhuus, Lucas Debesar gøta 8, 100 Tórshavn, vísandi til sks.nr. 248/2020, saman við frumriti av teimum skjølum, sum krøvini eru grundað á. FØROYA SKIFTIRÆTTUR, TANN 13. NOVEMBER 2020. PROKLAMA Øll, sum hava krøv í búnum eftir Hans Christoffer Julius Fonsdal, Yviri við Strond 95, 100 Tórshavn, føddur tann 20.10.1934, deyður tann 18.10.2020, og eftirsitandi hjúnarfelaga Elsa Hammerhaimb Fonsdal, verða við hesum biðin um innan 3 mánaðar frá kunngerð av hesi lýsing at boða frá og skjalprógva krøv síni fyri undirritaða skiftirætti. Tikið er ikki við skuld. Krøv skulu gerast upp pr. deyðsdagin, og sendast til advokat Petur Even Djurhuus, Advokatfelagið, Lucas Debesargøta 8, 100 Tórshavn, vísandi til sks.nr. 309/2020, saman við frumriti av teimum skjølum, sum krøvini eru grundað á. FØROYA SKIFTIRÆTTUR, TANN 12. NOVEMBER 2020. TROTABÚGV Við avgerð tann 26. november 2020, er Sp/f Tindhólmur í likvidatión, Bøgøta 16, 100 Tórshavn, skrás.nr. 5656, sks. nr. 3-70/2020, komið undir trotabúarviðgerð eftir áheitan móttikin tann 25. november 2020 frá likvidator. Sum fyribils bústjóri er settur advokatur Djóni Thomassen, Bøgøta 16, Postboks 164, 110 Tórshavn, tlf. nr. 788400, j.nr. 10235. Tað verður innkallað til skiftifund til val av bústjórn á skrivstovuni hjá skiftirættinum, C. Pløyensgøta 1, Tórshavn, fríggjadagin tann 18. december 2020, kl. 10.30. FØROYA SKIFTIRÆTTUR, TANN 30. NOVEMBER 2020 TROTABÚGV Við avgerð tann 27. november 2020, er P/F Løkir í likvidatión, c/o Niels W. Poulsen, adv., Frúutrøð 4, 100 Tórshavn, skrás.nr. 4535, sks. nr. 3-71/2020, komið undir trotabúarviðgerð við Føroya Skiftirætti eftir áheitan frá Skráseting Føroya um tvingsilsupploysn, dagfest tann 11. september 2020. Sum fyribils bústjóri er settur advokatur Óli M. Hansen, Faroe Law, Magnus Heinasonargøta 10, 100 Tórshavn. Tað verður innkallað til skiftifund til val av bústjórn á skrivstovuni hjá skiftirættinum, C. Pløyensgøta 1, Tórshavn, fríggjadagin tann 18. december 2020, kl. 10:45. FØROYA SKIFTIRÆTTUR, TANN 30. NOVEMBER 2020