hósdagur 10. desember 2020síða 4

FRÍGGJADAGUR 11. DESEMBER 2020 SOSIALURIN 88 4 – Fyri góðari viku síðani stovnaði 18 ára gamla Maria Joensen ein nýggjan Instagram profil, sum hon kallar ta_floskan_tekur_yvir. Hetta er ein dulnevndur brúkari, sum setur orð á, hvussu lívið sum ungur er, tá foreldrini drekka, og hvussu tað ávirkar gerandisdagin ANNIKA KUNOY IM ANNIKA@SOSIALURIN.FO –H øvuðsorsøkin til, at eg havi valt at gjørt hendan brúkaran er, tí eg haldi, at ov fá seta orð á hetta evnið, sum eisini er ógvuliga tabu. Tað kann vera orsøkin, til at nógv ung føla seg einsamøll og ikki fáa komið út við kenslunum hjá sær, skrivar 18 ára gamla Maria Joensen í fyrsta uppslagnum á Instagram. Hóast profilurin er nýggjur, hev­ur Maria Joensen fingið nógvar afturmeldingar frá øðrum, sum eisini hava upplivað at vaksa upp í einum heimi, har annað ella bæði foreldrini drekka. Hon greiðir frá, at hon við pro­ filinum ynskir at hjálpa øðrum og eggjar eisini øðrum til at skriva dulnevnt til hana, um tey hava spurningar ella vilja koma út við onkrum. – Eg eri akkurát líka sum tit, og so kunnu vit relatera til hvønn annan, so vit ikki føla okkum einsamøll, sigur unga kvinnan. – Tað eru nógv, sum hava skrivað til mín og eru glað fyri, at eg seti orð á hesi tingini. Fleiri takka mær eisini. Tað er rørandi, sigur Maria Joensen. – Sjálv eri eg barn av alkoholik­ ara, og eg veit, hvussu ringt tað kann vera at seta orð á hesi tingini. Ofta kennist tað, sum er tað eins egna skyld, og ein hevur lyndi til at geva sær sjálvari skyldina, og tí er tað umráðandi hjá mær at siga, at tað ongantíð er tín skyld, at foreldrini drekka, sigur hon. – Líkamikið hvat tú gert, kanst tú ikki steðga tí, og einki tú gert kann fáa viðkomandi at drekka. Tað eru tey, og bara tey, sum kunnu gera nakað við tað, greiðir hon víðari frá. Hugskotið til profilin kom knapp­liga eitt kvøldi, hon hevði hugsað um umstøðurnar sum barn hjá alkoholikara. Ein tíma seinni hevði hon stovnað profilin og lagt fyrsta uppslagið út. – Eg hugsaði, at av tí at tað er dulnevnt, ger profilurin ongan skaða, men tað eru fleiri, sum kunnu fáa gagn av honum, sigur hon frá. Kom í skeiva miljøið Maria Joensen er elst av fýra systkj­um, og í fjør fóru foreldur henn­ara frá hvørjum øðrum. – Í 2019 blivu míni foreldur skyld, av tí at pápi mín drekkur illa, og tíverri eru tað nógv í mínari familju sum hava drukkið ella sum enn drekka. Rúsdrekka hevur tí spælt ein stóran leiklut í mínum lívi, og onkuntíð havi eg følt meg illa, tá eg havi verið nógv í býnum, tí eg vil ikki líkjast teimum í mínari familju, sum drekka, sigur hon. – Eg bleiv tíðliga rebelsk, tá eg var ung. Eg sá tað ikki sjálv tá, men nú síggi eg, at alt tað, sum eg gjørdi, var eitt róp um hjálp. Eg bleiv send til sálarfrøðing sum 14 ára gomul, og eg var fullkomuliga í mótití og segði so við foreldrini, at har vildi eg ongantíð aftur. Aftur har sá eg ikki hvat problemið var, sigur hon. – Eg drakk, roykti, og kom út í tað skeiva umhvørvið, tá eg var øgiliga ung, leggur hon aftrat. – Tá eg fór í framhaldsdeildina, fór eg at fylgjast við fólki, sum vóru eldri. Tey brúktu rúsevni, og tá byrjaði eg eisini. Eg sá ikki tá, at tað var orsakað av, at eg hevði tað ringt heima, sigur hon frá, tí hóast pápi hennara ikki drakk líka illa tá, sum hann ger í dag, fekk Maria Joen­sen ofta skyldina fyri, at hann hevði rús­ drekkatrupulleikar. – Eg havi sæð tey, sum eg fylgd­ ist við tá, og hvussu tey oyðilegg ja sær Eg veit, at eg sjálv eri sera stúrin um jólini, tí at tað er ofta tá, at babba er keddur, tí hann ikki er saman við okkum meir og so velur at taka fløskuna fram. Tá fløskan tekur yvir: FRÁGREIÐINGAR FRÁ BA SAMRØÐA