mikudagur 30. mars 2005síða 3

Nr. 59 - 30. mars 2005 3 Skírismorgun hoyrdust fyrstu smálambajarmini í Vági. Ein tvílemba, í Suðuroynni nevnt tvølba, hevði lembt tvey lomb - eitt svart og eitt hvítt LOMB dagfinn@sosialurin.fo Skírismorgun hoyrdust morgunfrísk og nýggj ljóð uttanfyri húsini hjá Hend- rik Old í Vági. Ein ær hevði lembt tvey lomb. Sostatt er ærin tvílemba – tvølba, sum tað eitur í Suðuroynni. Fyrstu lombini í Vági komu sostatt skírisdag – skertisdag, sum tað eitur í Suðuroynni. Tal- an er um ær, sum vanliga gongur í haganum á summri. At koma í túnið hjá Hendriki hóskvøldið var hjartarørandi – eitt lítið hvítt lamb og mamman. Lambið jarmaði við høgum tóna, so lítið tað var. Men inni í heita køkinum var hitt lambið, tað svarta. Bæði lombini hava tað gott. Orðatakið sigur, at tann, ið fyrst sær eitt hvítt lamb, fær eitt gott summar, og sostatt fáa mong eitt gott summar, tí mong hava spákað sær framvið hjá Old hendadagin – á veg vestur á Eiðið – í góðveðrinum. Leygardagin 9. apríl kl. 14.00 verður stór heilsurenning í Klaksvík HEILSURENNING tíðindaskriv Tað er Føroya Shell í Norð- oyggjum, sum saman við rennifelagnum Treysti skip- ar fyri. Umframt at renna, so kunnu luttakararnir, um teir ynskja tað, eisini mála blóðtrýstið – bæði áðrenn og aftaná tey hava runnið. Tað er Hjartafelagið, sum kemur at taka sær av hesari uppgávuni. Áhugin fyri renning er nógv vaksin tey seinastu árini, og fyri hvørt ár sum gongur, sær man fleiri og fleiri sum renna og jogga. Hetta er bara gott, tí øll vita, hvussu umráðandi tað er at røra seg. Umframt at fáa fríska luft, so er tað gott fyri øll heilsutøl. Sjálvt um áhugin fyri renning er nógv vaksin, so eru tað fleiri, sum ikki fáa tikið seg sam- an, og tí halda fyrireikar- arnir tað verða eitt gott hugskot við hesum tiltaki. Sum sagt, so er tað renni- felagið Treysti, sum kemur at samskipa tiltakið og út- flýggja teir startnummur á startinum, sum er á økinum uttan fyri Shellstøðina. Tiltakið byrjar kl. 14.00, og verður tað formaðurin í Heilsunevndini hjá Klaks- víkar Kommunu, Rani Nol- søe sum setur kappingina í gongd. Runnið verður frá Shellstøðini og heimeftir Nólsoyar Pállsgøtu. Tá komið verður til Norðoya Sparikassa verður farið eftir Skúlavegnum og yvir til KFUM. Síðani verður runnið norður eftir Heyga- vegnum og oman gjøgnum Biskopstøðbrekkuna og norður aftur eftir Nólsoyar Pállsgøtu. Málið er á Shell- støðini. Av tí at tiltakið er ætlað øllum – eisini teim- um sum ikki eru von at renna, er teinurin einans 3. km – tó verður eisini ein bólkur fyri rennarar sum eru vanir at renna. Hesir rennarar renna teinin tvær ferðir – t.v.s. 6 km. Føroya Shell í Norð- oyggjum hevur gjørt avtalu við Hjartafelagið um at verða á staðnum áðrenn og eftir hetta tiltak. Hjartafel- agið bjóðar øllum teimum sum renna, møguleikan at fáa mált blóðtrýstið – bæði áðrenn og aftaná, um áhugi er fyri tí. Samstundis sum hetta er ein heilsurenning, so verð- ur tiltakið eisini skipa sum ein kapping, og tí verða lut- takararnir bólkaðir soleið- is: Menn, kvinnur, dreingir sum eru føddir millum 93 og 98, gentur sum eru fødd- ar millum 93 og 98. Dreingir sum eru føddir seinni enn 98 og gentur sum eru føddar seinni enn 98. Umframt hesar bólkar, so kunnu veteranar eisini melda seg til. Hetta eru tey sum eru fødd í 59 og áðr- enn. Sum sagt, so verður eisini ein bólkur fyri renn- arar, sum vilja royna teinin á 6 km. Nummar 1, 2 og 3 í hvørjum bólki fáa heiðurs- merkir og lutakast verður millum øll sum hava runn- ið, har vinningurin er eitt Viðskiftakort á Kr. 1.000,- frá Føroya Shell í Norð- oyggjum. Á málinum bjóð- ar Shellstøðin kaffi og Føroya Bjór vatn. Tilmeld- ing til tiltakið sum er ókeypis, kann gerast á Shellstøðini í seinasta lagi hóskvøldið 7. apríl. Um áhugin vísur seg at verða fyri hesum tiltaki, so er meiningin at tað skal verða afturvendandi. NRK í rásúrvalið hjá Televarpinum 1. apríl ... og tað er ikki apríl! Besta rásúrvalið finnur tú í Televarpinum! Mánaðargjald fyri Canal+ pakkan, við 4 rásum 219,- Canal+ pakkin er ein ískoytispakki Kortleigugjald: Haldarakort kostar kr. 150,- um hálvárið. Gjaldið verður kravt fyrstu ferð, goldið verður fyri ráspakkan, og síðan 6. hvønn mánað. Mánaðargjald fyri reyða pakkan, við 14 rásum 249,- REYÐI * Hesar rásir skiftast um at senda (Timeshare) BLÁI Mánaðargjald fyri bláa pakkan, við 21 rásum 199,- * Hesar rásir skiftast um at senda (Timeshare) Mánaðargjald fyri gula pakkan, við 13 rásum 169,- GULI Televarpið kann bert vegleiða um uppseting av Force móttakarum, sí mynd. Keyp Televarpsmóttakara Force D-master 1144T Treytað av 12 mánaða Televarpshaldi fyri einans 995,- og síggj Televarpið ókeypis til 1. mai 2005 ÆLABOGIN Mánaðargjald fyri Ælabogan, við 24 rásum299,- * Hesar rásir skiftast um at senda (Timeshare) * Hesar rásir skiftast um at senda (Timeshare) Champions League á TV3+ og Viasat Sport Sí sølustøð á www.televarp.fo ella ring á 340340 Heilsurenning í Klaksvík Fyrstu lombini lembd í Vági