fríggjadagur 15. juli 2005síða 17

Nú fimleikurin varð vrakaður til Oyggjaleikirnar á Rhodos í 2007, stúrir Helgi Winther Olsen fyri, at menningin innan fimleikin kann steðga fullkomiliga upp. Okkurt má gerast fyri sleppa undan einum bakkkasti innan fimleikin, heldur hann FIMLEIKUR Eyðun eydun@sosialurin.fo Scalloway: Ein ítøkiligur vandi er fyri, at føroyskur fimleikur fullkomliga steðgar upp, nú fimleikur reyk út av næstu Oyggja- leikunum, sum verða á Rhodos um tvey ár. Tað heldur fimleikarin Helgi Winther Olsen, sum mikudagin vann tvey gull- merki í einstaklinga fimleiki. – Tað er ótrúliga keðiligt, at vit ikki verða við á næstu Oyggjaleikun- um. Vit hava verið í støðuni fyrr, og tað merkti fyri fim- leikin í Føroyum ta tíðina, tí tað var eitt ella annað slag av manglandi fokus í fimleikinum, sigur hann. – Vit fingu líkasum gongd á føroyska fimleikin á Oyggjaleikunum í 1999, og á Isle of Man tóku vit eina rúgvu av heiðurs- merkjum. Nú vísir tað seg sum, at menningin hjá okk- um er steðgað eitt sindur, og fleiri av fimleikarunum eru ikki viðaftur. – Spurningurin er so, hvat tað fer at merkja fyri okkum, at vit ikki verða við á næstu Oyggjaleikunum. Eg stúri fyri, at tað fer at merkja ein steðg fyri føroyskan fimleik. Alternativ kapping Ber tað ikki til at verða við í øðrum altjóða kapping- um, nú tit ikki sleppa við til Oyggjaleikirnar? – Jú, tað ber til at taka lut í nógvum altjóða kapping- um, men sjarman við Oyggjaleikunum er, at her kunnu vit gera okkum galdandi. Her kunnu vit vinna nakað, og her kunnu vit gera ein mun. Vit luttaka í fleiri altjóða kappingum, men á Oyggjaleikunum eru vit nakað samanborið við hini, tað eru vit ikki í teimum stóru og sterku altjóða kappingunum, sigur Helgi Winther Olsen. – Tað, sum eg síggi sum tað mest spennandi alterna- tivið til Oyggjaleikirnar, er, at vit í Føroyum bjóðaðu okkum til at hava eina kapping í fimleiki fyri allar oyggjarnar, sum plaga at taka lut á Oyggjaleikunum. Eitt slag av mini-Oyggja- leikum í fimleiki. – Meðan vit fyrireika okkum til eina slíka kapp- ing, skulu vit fáa umstøður- nar at venja og kappast í upp á pláss. Vit skulu gera tað prosessina, sum byrjaði við tí fyrsta gullinum í fimleiki á Gibraltar, lidna við at fáa okkara umstøður góðar, so vit kunnu útnytta kapasitetin, sum vit eiga heima og í útlandinum. Annað fyllir meira og meira Helgi Winther Olsen er 24 ára gamal, og hann er longu ein royndur fimleikari við nógvum sigrum og heiðurs- merkjum aftan fyri seg. – Mær dámar væl at venja fimleik, og eg geri tað fyrst og fremst, tí eg tími tað. Eg ælti mær at halda fram við at venja fimleik, tí tað er ein partur av mínum. Hvussu tað verður við kappingum, veit eg ikki. Eg lesi ítrótt og geri bachelor-uppgávuna í løtuni. Tá ið eg havi fingið bachelor-gradina ætli eg mær at skifta yvir at lesa verkfrøði innan medisin og teknologi, og tað er krevjandi. – Eg kappist niðri, og tað ætli eg mær at halda fram við. Um heystið plagi eg at kappast í eini liðkapping, og tað brúki eg sum fyri- reiking til einstaklinga- kappingar um várið. Eg ætli mær at halda fram við at verða við á liðnum í Aalborg, og vit vilja sera fegnir vinna eina kapping, tað hava vit ikki roynt enn. – Men eg má viðurkenna, at tað eru nøkur onnur ting, sum fylla meira og meira. Eg leggi minni orku í at venja, og tað sæst aftur á úrslitinum. Tað er eitt sindur løgið at siga í dag, nú eg havi vunnið tvær gullmedaljur, men eg eri ikki við í øðrum reiðskaps- fimleiki, og onkrastaðni, har eg gjørdi meg galdandi fyrr, geri eg meg ikki galdandi longur. Fimleikurin kann fáa stórar trupulleikar Fimleikur verður ikki við á Oyggjaleikum aftur fyrr enn í fyrsta lagi um fýra. Spurningurin er so, um hetta var endabresturin hjá Helga Winther Olsen í Oyggjaleikasamanhangi. – Tað ber ikki til at siga, hvussu tað verður um fýra ár. Tað veldst um, hvussu mín privata støða verður tá. Høgni, sum eisini vann medaljur í dag, er 33 ára gamal, og eg verði 25 nú. Men tað er sera krevjandi í løtuni at skulu seta alt annað til síðis fyri fimleikin. – Mítt persónliga mál hevur verið og er fram- vegis, at fimleikurin skal koma betur fyri seg. Hetta snýr seg ikki bara um meg, men um fimleikin sum heild. Tað eru framvegis eg og Høgni, tveir gamlir gubbar, meðan nógvir av hinum fimleikarunum als ikki eru við longur. – Vit hava tveir ungar fim- leikarar við hesaferð, men teir eru eisini rættiliga einsamallir, so tað er ikki nógvur fimleikur. Og eg eri bangin fyri, at tað verður ein total stagniatión, nú vit ikki skulu við til næstu Oyggjaleikirnar. Okkurt má gerast, um menningin skal halda fram, sigur Helgi Winther Olsen. Nr. 133 - 15. juli 2005 17 ð Høgni Øster vann silvur og bronsu Gullvinnarin stúrir fyri fimleikinum