fríggjadagur 26. august 2005síða 22

Jón Rói skaddur Hálvan tíma undan dystarloki noyddist landsliðsspælarin skaddur av vølli, tá Frem vann á Vejle. Sjálvur roknar hann tó ikki við, at talan verður um lands- liðsavboð ÚTISETAR Jákup Mørk Triðja umfarið í donsku steypakappingini varð spælt mikukvøldið, og her vóru tveir spælarar í føroyska landsliðshópinum í dysti. Talan kundi eisini verið um ein triðja spælara við tilknýti til føroyskan lands- liðsfótbólt, men Christian Holst Lamhauge var tó ikki í hópinum hjá Lyngby, tá teir vunnu 3-1 á útivølli móti Holbæk. Keikti fótin Jón Rói Jacobsen var sum vant millum teir fyrstu ell- ivu, tá Frem í sínum dysti vann 2-1 á útivølli móti Vejle. Sigurin var sjálvandi nakað, sum spælararnir fegnaðust um, men við føroyskum eygum var tað ein lítil skelkur, tá Jón Rói noyddist skaddur av vøllin- um eitt korter eftir steðgin. - Eg beklaði hampuliga illa, og fóturin er rættiliga hovin í dag, staðfesti Jón Rói, tá vit hósmorgunin hittu hann á orði. Og enn tóktist hann ikki vita, hvussu álvarsligan skaða talan var um. - Enn fái eg einki sagt. Eg skal til fysioterapeut seinnapartin, og so fáa vit at síggja, hvussu hetta fer at spæla av. Men væntar tú, at talan verður um avboð til lands- dystirnar móti Fraklandi og Ísrael? - Tað vóni eg ikki. Eg havi roynt hetta so oftani fyrr, og tað plagar at vera so, at pínan er ringast fyrstu tveir dagarnir. Eg havi so eisini lært, hvussu tú best bert teg at í slíkum førum, skilt soleiðis, at viðgerðin kann byrja alt fyri eitt. Enn eru eisini 10 dagar til lands- dystin, so eg vóni, at tað fer at ganga, staðfestir Jón Rói. Um dystin sjálvan helt hann annars, at tað gav hópinum eitt veruligt lyft, nú teir teir vunnu á útivølli. Ikki minst, tí sigurin kom til høldar seinastu fimm minuttirnar, eftir at Vejle annars hevði verið á odda. - Vit hava jú verið í eini heldur óndari ringrás, har vit fleiri ferðir hava mist stig seinastu løtuna. Tí var tað sera týdningarmikið fyri sjálvsálitið, at vit nú fingu ein sigur. Og ikki minst, tá hesin varð tryggj- aður í seinastu minuttun- um, segði Jón Rói umvegis fartelefonina. Spælarin, sum kom inn fyri Jón Róa var annars Jónas Þór Næs, sum hevur bitið seg alt fastari í besta hópin hjá Frem, og hartil sat Gunnar Nielsen á beink- inum allar 90 minuttirnar. Andrew og Fremad úti Meðan Frem og teir tríggir føroyingarnir fegnaðust, var lagið í botni hjá Fremad Amager. Teir spældu á útivølli móti HIK, og her gjørdist talan um greiðan heimasigur. Andrew av Fløtum spældi allar 90 minuttirnar fyri Fremad Amager, men sambært heimasíðu felags- ins var talan hesa ferð um ein dyst, har liðið als ikki spældi upp til sítt besta. Soleiðis er Fremad Amager ikki longur partur av donsku steypakapping- ini, har teir í fjør vunnu seg fram í fjórðingsfinaluna. Leygardagin 10. sep- tember 2005 verður aftur skipað fyri Fólkaheilsurenning í Tórshavn. Tað eru landsstýrismaðurin í almanna- og heilsu- málum og felagið fyri frælsan ítrótt í Havn, Bragdið, sum saman standa fyri tiltakinum FÓLKAHEILSU- RENNING tíðindaskriv Fólkaheilsurenningin byrj- ar uttanfyri Badmintonhøll- ina við stadionøkið í Gundadali. Túrurin er væl merktur allan vegin. Luttakararnir verða býttir í tríggjar bólkar: børn (fødd 1992 og yngri), vaksin (fødd 1991 til 1960) og vet- eranar (føddir 1959 og eldri). Børnini renna 2 kilo- metrar, vaksin og veteranar kunnu velja 2 ella 5 kilometrar. Fólkaheilsurenningin byrjar klokkan 15, og byrjanarnummar fæst ðí Badmintonhøllini 2 tímar undan renningini. Børn og vaksin gjalda 20 kr. fyri at vera við og peningurin verður goldin, tá byrjanar- nummarið verður avheint- að. Vinnararnir fáa heiðurs- merki, lutakast verður um ymiskar vinningar og allir luttakarar fáa frukt og okkurt leskiligt at drekka. Harumframt fáa tey luttak- andi eina t-shirt við prenti á til minnis um dagin. Undir renningini skipa Fyribyrgingarráðið, Hjarta- felagið og ymisk áhuga- feløg fyri tiltøkum, har tað ber til at fáa upplýsing og ráðgeving um heilsuna. Renna ella ganga Fyri fólk, sum ikki eru von at renna ella íðka annan ítrótt, tykjast 5 kilometrar kanska sum ein ov stórur biti at gloypa og tískil ber eisini til at velja 2 kilometr- ar, so ongin grund er at halda seg aftur. Endamálið við fólkaheilsurenningini er ikki at kappast, men at geva øllum, bæði yngri og eldri, eitt gott og hugnaligt høvi at røra seg. Og tað stendur sjálvsagt púrasta til tey lut- takandi, um tey vilja renna ella ganga teinin. Mest umráðandi er at vera við. Tilmelding Tilmelding fer fram á www.athletics.fo, á Kunn- ingardiskinum á flogvøllin- um og á kunningarstovun- um kring landið. Freistin fyri at melda seg til fólka- heilsurenningina er hós- kvøldið 8. september. Rør teg fyri vælveru Fólkaheilsurenningin er ein liður í arbeiðinum hjá lands- stýrinum at betra um fólkaheilsuna hjá føroyingu- m. Í Føroyum, sum í øðrum londum í Vesturheiminum, økjast tilburðirnir av sjúkum, sum standast av liviháttinum. Hesar sjúkur stytta um lívsævina og minka harumframt munandi um góðskuna á livium- støðunum yvirhøvur. Tí er tað umráðandi, at arbeiðið fyri eini góðari fólkaheilsu verður raðfest ovarlaga. Fólkaheilsurenning verður 10. september Jón Rói Jacobsen noyddist skaddur av vøllinum, tá Frem mikukvøldið vann seg víðari í donsku steypakapp- ingini. Sjálvur vónar spæl- arin, at hann kortini verður við í landsliðshópinum, sum komandi mikudag fer til Fraklands Hetta er rutan, sum skal rennast ella gangast, tá fólkaheilsure nningin verður 10. september Nr. 161 • fríggjadagur • 26. august 2005 • 79. árgangur • www.sosialurin.fo