hósdagur 15. september 2005síða 15

Nr. 175 • hósdagur • 15. september 2005 • 79. árgangur • www.sosialurin.fo Motión- istarnir við til FM Leygardagin á mið- degi verður súkklað av á keiini á Toftum, og síðani verður hildið fram heilt til plantusøluna í Havn SÚKKLING tíðindaskriv Kappingin er árliga FM kappingin í landavegs- súkkling fyri unglingar og teir vaksnu, eingin broyting er á rutuni og fyriskipanini annars, kappingin er meinlík kappingunum undan- farnu árini. Í ár verður tó, sum naka nýtt, roynt at fáa motións- súkklarar við. Rutan hjá teimum er tann sama sum hjá teimum vaksnu, men um onkur ikki sær seg føran fyri tí rutuni, kann hann fylgja rutuni hjá unglingunum, sum er nakað lættari og styttri. Fyri at mótiónistarnir skullu kenna seg tryggar á túrinum, verða fylgibil- ar. Í bilunum er møgu- leiki at goyma sær ein eyka drekkidunk, eyka klæðir ella annað, sum tørvur kann verða á. Rutan hjá teimum vaksnu gongur av Toft- um, um Eiðisskarð, suður gjøgnum Sundalagið, eft- ir Oyggjarvegnum til Havnar. Nøkur umfør verða súkklað í Havn og málið er við Plantusøluna á Hvítanesvegnum. Í alt 100 km. Rutan hjá unglingunum gongur um Eiðsskarð, suður gjøgnum Sunda- lagið, gjøgnum Kald- bakstunnilin til Havnar. Nøkur umfør verða súkklað í Havn og málið er við Plantusøluna á Hvítanesvegnum. Í alt 70 km. Roknað verður við, at fyrstu súkklararnir koma á mál eftir klokkan 14:30, og teir seinastu verða helst komnir á mál um- leið klokkan 16:30. Tórshavnar Súkklufelag skipar fyri flutningi av súkklum og luttakarum úr Havn inn á Toftir, luttak- arar kunnu møta á Hálsi við gamla Føroya Tele bygningin eftir klokkan 10:00 leygarmorgunin. Fari verður av Hálsi klokkan 10:30. Joan er best í Danmark Eftir álvarsliga ferðsluóhappið, sum hon var fyri í fyrraári, er Joan Bláfoss av álvara farin at gera um seg í donskum triathlon-kappingum TRIATHLON Jákup Mørk Stóra málið, sum fyri tveimum árum síðani æt Oyggjaleikir, hvarv sum døgg fyri sólini, tá Joann Bláfoss stutt undan leikun- um var fyri óhappi á súkklu síni. Eitt óhapp, sum í fyrstu atløgu kostaði eitt brotið kjálkabein og nakrar ógvusligar forbrenningar. Og tá hetta var um at koma í rættlag, kundu læknarnir staðfesta, at brot eisini hevði verið á handliðinum, og so varð neyðugt við enn longri steðgi. Ítróttin koyrdi undir meg Ein slíkur steðgur kundi helst tikið mótið frá teim- um flestu, men triathlon íðkarar eru kanska nakað fyri seg. Joan hevði í øllum førum ikki nakran hug at gevast, og sjálvur sigur hon, at ítróttin kanska var tað, sum koyrdi enn meira undir hana í so máta. - Eg vónaði sjálvandi, at eg aftur skuldi sleppa í holt við ítróttina. Og júst hetta var kanska eisini tað eyka sparkið, sum koyrdi enn meira undir meg. - Fyri einum ári síðani byrjaði eg so at venja reglu- liga. Eg teknaði meg sum lim hjá Københavns Triath- lon Klub, og siðani havi eg bara drivið á, sigur hon. Hon viðgongur tó, at tað tók drúgva tíð, áðrenn hon aftur setti seg á hjólhestin, sum jú eisini er partur av triathlon-kappingini. - Eg ætlaði mær alt fyri eitt í gongd aftur. Og longu í fjør vár keypti eg mær nýggja súkklu. Men hon slapp so at standa í frið í nærum eitt ár. Nústaðni í vár byrjaði eg spakuliga aftur at súkkla, og hóast tað nú eru fimm mánaðir síð- ani, so eri eg framvegis meira varin. Tað er sjálv- andi nakað, sum eg skal arbeiða við, men hinvegin, so kenni eg tað eisini onkursvegna, sum eg seti størri prís á tingini nú, og kanska ansi betri eftir mær sjálvum, heldur hon. Gull og bronsa Og skal tosast um kapping- ar, so er lítið at ivast í, at liðfelagarnir í felagnum eisini seta prís upp á Joan. Í summar vann hon gull- merki á OL-teininum í sín- um aldursbólki - 25 til 29 ár - tá DM-kappingin fyri einstaklingar varð hildin. Joan hevði ein sera góðan dag, og tíðin hjá henni lá heilt nær teimum tíðum, sum veruliga elitan í Dan- mark megnar. Ein elita, sum í fleiri førum hevur gjørt um seg á altjóða tind- unum. Og seinasta viku- skifti vann liðið hjá KTK bronsu, tá DM í sprint- triathlon var á skránni. Og tað restaði ikki nógv í, áðrenn talan varð um enn fínari heiðursmerki. Bara 49 sekund vóru upp til vinnandi liðið. Flott úrslit, sum Joan eisini er errin av, men hon viðgongur, at møðin nú er um at gera um seg. - Tað krevur jú nógva venjing. Sjálv royni eg halda einar 10-12 tímar við effektivari venjing hvørja viku, og so eru tað eisini kappingarnar. Her á Sæ- landi er í øllum førum ein kapping um mánaðin. Onkra tíð tvær og so eru sjálvandi eisini aðrar kapp- ingar, sum tað ber til at fara til. Sjálv havi eg kanska eisini verið dekan ov altráð eftir kappingum hetta fyrsta árið, og tí er møðin av álvara farin at kennast nú. Kroppurin skal jú eisini hava hvíld, eftir tvey ár utt- an veruligar kappingar, er hetta av álvara farið at merkjast. Tí havi eg gjørt av, at eg longu nú fari í »vetrarfrí«, men talan verð- ur ikki um nakran drúgvan steðg, sigur hon. Fyrireikingarnar til nýtt kappingarár skulu jú eisini í gongd sum skjótast. Eitt ár, har Joan - um hon heldur fast í framgongdini - veru- liga kann lyfta seg upp millum tey allar fremstu í ríkinum. Joan Bláfoss, sum her sæst renna seainasta teinin av Sprint-triathlon, hevur veruliga bitið seg fastan í toppin av donskum triathlon-íðkarum Triathlon er kapping, har luttakaranrir svimja, súkkla og renna ein ávísan tein. Mest kendi av hesum er sonevnda Ironman-kappingin. Har verður svomið 3.800 m, súkklaðir verða 180 km og at enda verður runnið heilt marathon. T.e. 42.195 metrar OL-teinurin er samansettur við 1.500 metra svimjing, 40 km súkkling og 10 km renning Sprint-triathlon er 750 m svimjing, 20 km súkkling og 5 km renning FAKTA