hósdagur 22. september 2005síða 19

Torkil Veyhe, Gunnar Dahl-Olsen og Sverri Mohr Edvinsson, gjørdust allir føroya- meistarar, tá FM í 100 km súkkling varð hildið leygardagin SÚKKLING tíðindaskriv Soleiðis eita føroyameistar- arnir í súkkling á 100 km. Kappingin var seinasta leygardag, hin 17.09.2005. Leiðin gekk av keiini á Toftum, til Funnings, um Eiðisskarð, suður gjøgjum sundalagið, niðan á Oyggj- arvegin og málið var á vegnum við plantusøluna í Hoyvík. Unglingarnir fóru tó ikki niðan á Oyggjar- vegin, men gjøgnum tunn- ilin til Havnar. Uppmøtingin til kapping- ina var vánalig, og tað er væl skiljandi, tí veðrið var av tí ringasta til súkkling. Serliga tí farast skuldi nið- an í fjøllini at súkkla. Men í alt vóru 8 súkklarar møttir á Toftum, og tí var avgjørt at byrja kappingina. Hóast veðri var ringt, vóru trygd- arumstøðurnar góðar, tí fleiri fylgibilar vóru súkkl- arunum til hjálpar, um okk- urt skuldi verið. Allir fylgdust fyrsta tein- in inn móti Funningi, men niðan á Eiðisskarð slitnaði alt sundur. Gunnar fór frá Esmari, meðan Torkil fór frá Sigmundi og Bergi. Gunnar og Torkil fylgdust líka til rundkoyringina í Kollafirði, tá Torkil fylgdi leiðini hjá unglingunum gjøgnum tunnilin, meðan Gunnar fór um Oyggjar- vegin til Havnar. Hjá teimum vaksnu súkklaði Esmar einsamall- ur, eisini unglingarin Sig- mund og Bergur súkklaðu einsamallir alla leiðina til Havnar. Tá vóru motiónistarnir snildari, teir gjørdu nevni- liga av at fylgjast so langt sum gjørligt. Á henda hátt hjálptust teir, serliga í móti vindinum, har teir skiftust um at liggja fremst, meðan hinir hvíldu seg aftanfyri. Tá teir komu til brekkuna úr Kollafirði niðan á Oyggjarvegin skiltust teir, Sverri koyrdi nakað skjót- ari enn hinir niðan, meðan Kjartan ikki kláraði at fylgja gamla góða Evaldi eftir Oyggjavegnum. Á málinum høvdu trú- føstu fólkini sum hjálpa til í súkklifelagnum skipa fyri við ymsum, har var, uttan kostnað, sunkist, kaffi, heitt kakao og bollar at fáa, hetta mundi eisini koma væl við hjá køldu áskoðar- unum og vátu súkklar- unum. Úrslitini vóru hesi Unglingar 1 Torkil Veyhe Unglingar 2 Sigmund Olsson U 3 Bergur Ingemarsson U Vaksin menn 1 Gunnar D. Olsen Elita 2 Esmar Joensen Elita 3 Sverri M. Edvinsson Motión 4 Evald RasmussenMotión 5 Kjartan Egholm Motión 30 ára gamli norð- maðurin, Olaf Dahl, sum hevur føroyska mammu, bleiv í viku- skiftinum norður- lenskur meistari í styrkilyfting í bólkin- um 125+ kilo. NM-kappingin í styrkilyfting varð hildin í Borlãnge í Svøríki STYRKILYFT Jákup Mørk Kappingarnar í styrkilyft- ing eru settar saman av trimum lyftum: beindbend (squat), bonkpress (bench- press) og rættstøðulyft (deadlift). Í beinbendi bleiv tað til 320 kilo hjá Olafi. Liggj- andi á beinkinum pressaði hann 250 kilo upp frá. Og í rættstøðulyft knógvaði hann 320 kilo. Samanlagt lyfti Olaf 890 kilo. Í allari kappingini var Olaf tann lyftarin, ið lyfti mest í bonkpress. Slíkar kappingar verða eisini gjørdar upp í stigum. Umframt sjálva lyftingina verður tá eisini tikið hædd fyri, hvussu nógv lyftarin sjálvur vigar. Teir løttu lyftararnir standa seg ofta væl her, og tí varð ein lyftari, ið vigar 67,20 kilo, kosin besti lyftari. Olaf hevur áður verið við í NM-kappinginum, men ikki við so góðum úrsliti sum hesaferð. Eisini hevur hann luttikið 8 ferðir í kappingini um sterkasta mann í Noregi. Her gjørdist hann fyrr í ár nummar trý. Næsta stóra avbjóðingin er heimsmestaraskapið í styrkilyfting í 2006, sum verður í Stavanger í Noregi. Sterki hálvføroyingurin, sum býr í Tróndheimi, hevur vant styrkilyfting, síðani hann var 19 ára gamal. Hann venur 6 dagar um vikuna einar 3-4 tímar hvørja ferð. Um veturin verður vant fram til NM, og um summarið verður tíðin sett av til kappingarnar um sterkasta mann. Tá ið Olaf ikki venur ella er til kapp- ingar, stendur lesnaðurin á skránni. Mamma Olaf er Jóhanna Elisabeth Sofía, vanliga nevnd Hannefía, f. Nicla- sen, úr Hvalba. Pápin eitur Svein Dahl og er ættaður úr Aalesund. Tey búgva í Tróndheimi. FM 100 km Súkkling Sviin aftur á odda Bæði Heini Olsen og Hans Kristian Sim- onsen vóru í dag partur av remis talv- um, meðan Johan Eriksson enn eina ferð fekk fult móti Helga Dam Ziska TALV Jóannes Hansen Í dag eydnaðist tað svenska IM Johan Eriks- son aftur at leggja seg einsamallan á odda í al- tjóða talvkappingini, Klaksvík International, sum í hesum døgum er í Leikalund í Klaksvík. Í triðja umfarinum vann hann við svarta fólkinum á Helga Dam Ziska, og í dag vann hann aftur á yngsta føroyska telvaran- um. Hesa ferð var tað við hvíta fólkinum. Eftir 43 leikir legði Helgi kongin. Undan sætta umfarinum lógu IM Johan Eriksson og Hans Kristian Simon- sen undir liðini á hvør øðrum. Í dag spældi Hans Kristian remis móti danska IM Jens Ove Fries-Nielsen. Teir samd- ust eftir 49 leikir um, at talvið var javnt. Í dag hevði Hans Kristian svarta fólkið. Tá ið teir hittust í triðja umfarinum, hevði Hans Kristian hvíta fólkið. Eisini ta ferðina endaði talvið við remis. FM Heini Olsen og norski IM Eirik Gullak- sen samdust í dag um remis eftir 50 leikir. Hesa ferð hevði Heini hvíta fólkið. Í triðja umfarinum vann Heini við svarta fólkinum á norska IM ar- anum. Støðan eftir seks umfør er henda: 1. IM Johan Eriksson 4,5 stig, 2. Hans Kristian Simonsen 4,0 stig, 3. FM Heini Olsen 3,5 stig, 4. IM Eirik Gullaksen 2,5 stig, 5. IM Jens Ove Fries- Nielsen 2,5 stig 6. Helgi Dam Ziska 1,0 stig. Gunnar Dahl Olsen, sum her sæst fremstur, og Torkil Veyhe drógu frá hinum súkklarunum, tá farast skuldi um Eiðisskarð Hálvur føroyingur norðurlenskur meistari í styrkilyfting Her stendur nógv á í beinbend Nr. 180 • hósdagur • 22. september 2005 • 79. árgangur • www.sosialurin.fo