fríggjadagur 21. oktober 2005síða 27

varð avgjørt. Men skalt tú taka støðu til, um kapping- in skal verða 18 ella 27 umfør í framtíðini, so er tað nóg so trupult bara at taka støði í kappingini í ár. Og eg eri samdur í Pól, at slík- an spenning sum í ár, koma vit aldrin at uppliva aftur. Kanska verða tvey lið, sum kappast til tað seinasta, men so heldur ikki meira. Blðm: Tit í B36 hava serliga í seinnu hálvu havt eitt ógvuliga strævið kapp- ingarár. Kanska kann mann siga, at tit vóru »hepnir« at verða koyrdir úr steypa- kappingini, tí árið annars hevði verið enn longri. Síðani juli hava tit spælt nærum eitt ótal av dystum. Er tað ikki farið at merkjast á spælarunum? Pól: Tað haldi eg ikki. Og eg haldi ikki, at vit vóru hepnir at verða koyrdir úr steypakappingini, tí annars høvdu vit longu vunnið fyrsta gullmerkið í ár! Men eg haldi ikki, at vit hava merkt tað í hópinum, og tað hevur heldur ikki verið so strævið, sum eg hevði vænt- að. Sjálvur havi eg vant síðani januar í fjør, so eg hevði roknað við, at tað bleiv væl tyngri, enn tað hevur verið. Men har hevur javna kappingin kanska eisini gjørt sítt. Blðm: Men tú gleðir teg kanska kortini til at fáa vetrarfrí? Pól: Ja, tað geri eg heilt sikkurt. Og eg ætli mær so ikki at fara undir venjing- ina longu í november mán- aði aftur. Tað verður so av ongum! Blðm: Og hava tit í HB eisini havt tað strævið? Rúni: Vit byrjaðu jú øgi- liga tíðliga. Og í vetur vandu vit tvær ferðir um vikuna, so tað hevur verið eitt langt kappingarár. Blðm: Og tað kapping- arárið endar nú leygardag- in. Skulu vit tosa um sein- asta dystin í Gundadali, so er javnleikur jú ikki nakað, sum nakar av pørtunum kann brúka. Hava tit tosað nakað um, hvussu tann dysturin skal tacklast? Pól: Vit hava ikki tosað nakað um tað sum so. Men mín áskoðan er heilt greitt, at vit kunnu ikki satsa upp á javnleik. Bæði tí tað altíð er vandamikið í eini slíkari støðu, tí tað tá verður lætt- ari hjá HB at trýsta okkum. Og sjálvandi eisini, tí vit kunnu ikki satsa uppá, at GÍ skal taka stig á Skála. Tann møguleikin trúgvi eg ikki uppá. So eg rokni við, at tað hjá okkum, HB og Skála verður galdandi, at vit skulu spæla álopsfótbólt leygardagin. Blðm: Og Rúni. Ert tú samdur í, at tað verður álopsfótbóltur leygardag- in? Rúni: Tað er einki sum eitur. Serliga um tað líður út á seinna hálvleik, uttan nøkur avgerð er funnin. Tá verða bæði liðini noydd at satsa, og so kann tað væl verða opið í hinum endan- um. Einasti kjansurin fyri, at vit fara at verja, er um vit eru níggju menn móti endanum, og tað framvegis stendur á jøvnum. So mugu vit gera alt, sum vit kunnu, soleiðis at B36 ikki verður meistari! Nr. 201 - 21. oktober 2005 19 ðsstaðnum Rúni Nolsøe, HB Føddur: 21.05.1971 Hædd: 179 cm Vekt: 78 kg A-landsdystir: 3 Áður spælt við: VB Meistaraheiti: 1998, 2002, 2003, 2004 (Øll við HB) Steypsigrar: 1995, 1998, 2004 (Øll við HB) »Færøsk frisparks- drøn sender Aab í kvartfinalen« stend- ur í donskum miðl- um í dag. Og í Valby var Jón Rói ískaldur, tá seinasta brots- sparkið sendi super- ligufelagið, Viborg, úr donsku steypa- kappingini DANSKA STEYPA- KAPPINGIN Jákup Mørk Talan gjørdist um rætti- ligt føroyingakvøld, tá 1/8-finalurnar í donsku steypakappingini vóru á skránni í gjárkvøldi. Størstu yvirskriftirnar fekk Súni Olsen helst, tá hann var maðurin, sum tryggjaði AaB sigurin móti FCM. Súni var ikki millum teir fyrstu ellivu hjá AaB, sum uppiborið legði seg á odda stutt eftir steðgin. Men eitt korter fyri leiklok javnaði Frank Kristensen, sum júst móti AaB plagar at vera á blettinum fyri FCM. Soleiðis gjørdist talan um longda leiktíð, og her setti AaB seg alt fyri eitt á dystin. Tað tóktist, sum bíðaðu áskoðararnir bara eftir, at avgerandi málið skuldi koma, men teir máttu bíða, til bara níggju minuttir vóru eftir, áðr- enn sigursmálið kom. Men tá var tað eisini vert at bíða eftir. AaB vann sær fríspark einar 25 metrar frá málin- um hjá FCM. Súni Olsen, sum annars gjørdi tað gott, tá hann varð skiftur inn á miðvøllin, varð sett- ur at skjóta, og restina av søguni hava vit føroying- ar so oftani sæð. Gøtu- maðurin hamraði eitt væl skrúvandi skot upp um manngarðin og móti mál- inum. Og har hevði Ola Tidmann ongan livandi kjans, tá bólturin umveg- is stólpan fann sær leið- ina til meskarnar. Tríggir føroyingar í 120 min Mest óvæntaða úrslitið mundi Frem tó standa fyri, tá teir á heimavølli tóku ímóti Viborg. Og úr einum føroyskum sjónar- hornið var hugaligt at staðfesta, at Jón Rói Ja- cobsen og Jónas Þór Næs vóru partur av Frem-verj- uni, sum aftan fyri seg hevði Gunnar Nielsen í málinum. Viborg er í ár væl fyri í superliguni, og teir tókust eisini vera á sigurskós, tá Jose Mota legði teir á odda eftir steðgin. Emil Christensen fekk tó javn- að, og so skuldi longd leiktíð til. Her legði Vi- borg seg aftur á odda, tá ein annars sera væl spæl- andi Gunnar Nielsen ikki megnaði at halda skot- roynd, soleiðis at Alex Nørlund fekk sett returin í netið, men Frem og Emil Christensen vóru ikki lidnir. Emil syrgdi nevnliga fyri, at talan gjørdist um brotssparks- kapping, og her gjørdust føroyingarnir avgerandi. Gunnar tók kanska ikki nakað brotsspark, men við at fara rætta vegin hvørja ferð, trýsti hann at enda Viborg-skjúttan at skjóta á stólpan. Og tá Jón Rói fekk álitið at skjóta seinasta brots- sparkið, var hann ískald- ur. Fleiri vóru nær við Talan var annars um eitt kvøld, har nógv super- ligufeløg máttu arbeiða yvirtíð, fyri at koma víð- ari. Umframt AaB, sum altso spældi 120 minuttir, noyddist OB heilt út í brotssparkskapping móti Kolding, eins og Esbjerg noyddist tað móti Lyngby og FCK noyddist tað móti Slagelse. Í øllum trimum førunum endaði alt tó við, at superligufeløgini høvdu bestu nervarnar úr 11 metrum. Brøndby var einasta superligufelagið, sum bara spældi 90 minuttir, tá teir vunnu 2-1 á Silke- borg. Og á heimavølli vann B1909 heili 5-2 á Herfølge. Tey átta liðini, sum so- leiðis hava vunnið seg fram í fjórðingsfinalur- nar, eru hesi: Randers FC, Brøndby, B1909, Frem, AaB, FCK, OB og Esbjerg. Dreymaspark frá Súna Nú kenna eisini danir til frálíka sparkiteknikkin hjá Súna Olsen. Mikukvøldið hamraði hann úr 25 metrum AaB víðari í donsku steypakappingini