týsdagur 4. desember 2007síða 10

10 tíðindi Nr. 235 - 4. desember 2007 Móttøka í Grønlandi Team 85, sum nú er partur av Nema-samtakinum, er nú liðugt við umbyggingina av virkisbygn- inginum úti í Grønlandi. Tað er har, sum Snikk- aravirkið fyrr helt til. Hósdagin millum 15 og 17 verður móttøka, har viðskiftafólk og onnur áhugað hava høvi at síggja nýggju hølini. Umframt tónleik og okkurt leskiligt verður høvið eisini nýtt til at avdúka nýggja samleikan hjá fyritøkuni. Nýggjur sjónvarpshandil Nú um dagarnar læt ein nýggjur føroyskur sjónvarpshandil upp á netinum. Tað eru Símun Pauli Hansen, ið býr í Havn, og Svein W. Rasmussen, sum er búsitandi í Keypmannahavn, ið hava tikið stig til sjonvarp.fo. Talan er ikki um eina vanliga sølubúð, men um ein nethandil, har til ber at keypa sjónvørp á netinum og lesa um vøruna á heimasíðuni hjá handlinum. Sjonvarp.fo selur serliga flatskermar, og Símun Pauli Hansen og Svein W. Rasmussen siga, at hetta er ein roynd at lækka prísin á flatskermum í Føroyum. Í svari upp á fyri­ spurning frá Jenis av Rana um trygd, dygd og viðlíkahald av føroysku tunl­ unum, letur Bjarni Djurholm upp fyri møguleikanum, at nýggjur Hvalbia­ tunnil kann verða liðugur í 2015 TUNLAR Leo Poulsen leo@sosialurin.fo Tað er serliga Hvalbiartunn- ilin, ið liggur sum grund fyri einum fyrispurningi hjá Jenisi av Rana til Bjarna Djurholm um dagføring og viðlíkahald sum heild av føroysku tunlunum. Fyrispurningurin, sum Bjarni Djurholm svarar í tinginum í dag, er í seks punktum, og er hann soljóðandi: • Hvørji minstukrøv eru til trygdina og dygdina í føroyskum tunlum og hvussu kunnu hesi minstu- krøv samanberast við ásett minstukrøv aðrastaðni? • Liva føroysku tunlarnir upp til ásettu minstu- krøvini? • Um ikki, er ein dag- føringarætlan gjørd og sett í verk, og ber til hjá Løg- tinginum at fáa innlit í hesa? • Hvør hevur ábyrgdina av einum møguligum vann- lukkutilburði? • Hvør hevur ábyrgdina av vantandi samferðslu- karmunum fyri búseting, vinnu og útjaðaramenning í síni heild? • Hevur landsstýrismað- urin gjørt eina útgreining av kostnaðinum fyri ávís trygdar- og dygdarstig, ið føroysku tunlarnir kunnu hugsast at skula hava? Í viðmerkingunum til fyri- spurningin sigur Jenis av Rana, at líka stór framstig, sum tunlarnir vóru, tá teir komu, líka stór forðan eru hesir tunlar í dag, tí teir eru snøgt sagt ikki tíðarhósk- andi. Nevnt verður stóra virk- semi, sum er í Hvalba, og sum tørvar nútíðar flutn- ingstól. Men henda tørv nøktar verandi tunnil ikki. - Alt hetta virksemið hev- ur tørv av dagførdum tunlum fyri at kunna rúma nútíðarinnar flutningstól- um, men heldur enn at stuðla undir virksemi hvalbinga, er tunnilin til Tvøroyrar ein tyngjandi forðing fyri tí virðisøking, sum havlbingar við hondum sínum dagliga tilføra før- oyska samfelagnum, sigur Jenis í viðmerkingunum. Norskir normar Víst verður víðari á bræva- skifti millum Hvalbiar kommunu og Vinnumála- ráðið, har kommunan vísir á vantandi trygd og dag- føring av tunlinum, og har Vinnumálaráðið í tí stóra og heila váttar hesum. Kortini er tað so, at teir trygdarnormar, sum føroy- ingar nýta, eru norsku norm- arnir, og hesir eru munandi herdir seinastu árini. Nýggjastu normarnir eru frá 2006, og teir loysa gomlu normarnar frá 2002 av. Í svari sínum sigur Bjarni Djurholm, at ein arbeiðs- ætlan fyri dagføring av øllum føroysku tunlunum er gjørd, og at hetta arbeiði byrjaði við Norðskálatunl- inum, sum er um at vera liðugt. Farið er eisini í holt við Leynatunnilin, og síðani standa Kollafjarðatunnilin og Leirvíkartunnilin fyri tørni. Hetta eru tunlarnir við mestu ferðsluni. Men ein samferðsluætlan er eisini gjørd, og í henni verður mælt til, at tríggir av eldru tunlunum verða avloystir av nýggjum tunlum komandi átta árini. - Talan er um Árnafjarð- artunnilin, Hvannasunds- tunnilin og Hvalbiartunnil- in. Mælt verður til, at arbeiðið fer í gongd beinan- vegin at gera nýggjar tunlar Norð um Fjall. Um so er, verður hetta arbeiðið liðugt í 2011. Farast kann síðani undir arbeiðið við nýggjum Hvalbiartunli. Hann kann verða liðugur í 2015, sigur Bjarni Djurholm í svari sínum. Skálafjarðartunnil Bill Justinussen hevur ann- ars boðað frá einum munn- ligum fyrispurningi til Bjarna Djurholm um tunnil undir Tangafjørð. Munnligi fyrispurningurin, sum verð- ur svaraður í morgin, er soljóðandi: »Nógv vatn er longu runn- ið í ánna, síðani Løgtingið eftir uppskoti frá lands- stýrismanninum í Vinnu- málum við stórum meiriluta gav honum heimild at fara undir samráðingar við eitt felag um loyvi til at gera tunnil millum Skálafjørðin og Havnina. Lítið hevur verið at frætt um tilgongdina í málinum. Nú hetta val- skeiðið er um at renna út, er neyvan hugsandi, at lands- stýrismaðurin kemur á mál við sínum ætlanum. Tað vekir undran, at landsstýr- ismaðurin í vár kom í Løgtingið við einum upp- skoti til samtyktar, sum hann síðani ikki sjálvur megnar at liva upp til. Nú ein onnur ætlan um undir- sjóvartunnil er samtykt við 2. viðgerð í Løgtinginum, sum kemur at kosta lands- kassanum hundraðtals milliónir krónur, eru tað fleiri, sum spyrja, hvar Skálafjarðartunnilin bleiv av. Hendan ætlanin, sum øll sum hon er verður fíggjað uttan fyri landskassan, og sum verður søgd at vera skilabesta búskaparliga íløg- an av teimum øllum, má ómøguligt fáa loyvi til at liggja í niðastu skuffu hjá landsstýrismanninum í Vinnumálum. Er tað nakað, sum ein landsstýrismaður í vinnumálum átti at havt áhuga fyri, so var tað júst hendan ætlanin, tí hon er bæði búskaparliga skilagóð og øll sum hon er uppfunnin og drivin fram av eldsálum á privatum grundarlagi. 1. Hvar liggur verkætlanin um tunnil um Tangafjørð í løtuni og hvør eigur næsta leikin? 2. Nær væntar landsstýr- ismaðurin, at eitt uppskot frá landsstýrinum um verk- ætlanina kemur í Løgtingið til støðutakan? 3. Nær væntar landsstýr- ismaðurin, at fyrsti borurin verður settur í til gerð av tunlinum?« Nýggjur Hvalbiartunnil í 2015 Jenis av Rana hevur sett Bjarna Djurholm fyrispurning um dagføring og trygd í føroysku tunlunum við útgangsstøði í Hvalbiartunlinum Savnsmynd Torbjørn Jacobsen hevur eisini boðað frá eini røð av munnligum fyrispurningum til tingfundin í morgin, og ein teirra er, hvussu Sandoyartunnilin verður fíggjaður TUNLAR Leo Poulsen leo@sosialurin.fo Torbjørn Jacobsen hevur boðað frá einum munnlig- um fyrispurningi til Magna Laksáfoss, fíggjarmálaráð- harra, um fígging av Sand- oyartunlinum. Magni skal svara soljóðandi fyrispurn- ingi á tingfundi í morgin: »Hvussu ætlar lands- stýrismaðurin at fíggja verk- ætlanina Sandoyartunnilin, ið sambært uppskoti lands- stýrisins kemur at kosta umleið 680 milliónir krón- ur?« Torbjørn Jacobsen hevur hesar viðmerkingar til fyri- spurningin: »Somikið av stríði hevur verið av komandi Sandoy- artunlinum í samgonguni, at heili tvey uppskot komu frá samgongumonnum nið- an í Tingið, frá ávikavist Gerhardi Lognberg og Bjarna Djurholm, um hesa størstu verkætlan í landsins søgu higartil. Munurin á uppskotunum var, at Gerhard legði upp til at leggja verkætlanina í eitt partafelag, á sama hátt sum hinir báðir undirsjóvartunl- arnir, ímeðan landsstýris- maðurin í vinnumálum, ið fekk sítt mál ígjøgnum á Tingi við einum trivaligum meiriluta, mælir til at tunnilin verður fíggjaður úr almennu kassunum ígjøgn- um fíggjarløgtingslógirnar komandi árini. Eftir hvat skilst, er hetta loysnin, sum samgongan bleiv samd um, undir fíggj- arlógarsamráðingunum, serliga eftir tilmæli frá Magna Laksáfoss, lands- stýrismanni í fíggjar- málum. Nú má roknast við, at sami landsstýrismaður má hava eitt boð uppá, hvussu hann ætlar at skipa hesa verkætlanina fíggjarliga, eisini soleiðis, at hon greitt gjøgnumspeglast, ár fyri ár, á fíggjarlógunum tey árini, tunnilin verður boraður ígjøgnum og gjørdur liðugur. Og hetta samstundis sum uppskot um aðrar stórar íløgur, í fleiri hundrað millióna klassanum, floyma niðan í Tingið frá somu samgongu, sum hevur ein góðan mánað eftir av sínum æviskeiði« Hvar koma pengarnir frá Hendan myndin er tikin fyrr í ár